Demokraatit: Nakorsat Cubamiut atorfinitsinniarsigit
Seeqqukkut siffissakkullu suliaritinnissamut utaqqisut naassaanngillat Peqqinnissaqarfimmullusulisoqarnikkut ajornartorsioreersumut takussutissaallutik. Tamanna naalakkersuinikkutajutoorluinnarnerusoq Demokraatit peqqissutsimut oqaaseqartartuat Anna Wangenheim oqarpoq.
Seeqqumikkut suliaritinnissamut utaqqisut ukioq manna maajimi 350-iupput. Nutaamik
siffialersinniarlutik utaqqisut 37-iullutik. Utaqqisunut allattorsimaffik talligaluttuinnarmat
ataasiakkaat ulluinnarni inuunerat anniaateqarnermut atorneqarpoq, tassami Dronning Ingridip Napparsimmaviani suliaritinnissamut ulluliinissaq qaquguugaluarnersoq pisussaammat.
Aviisi AG allappoq.
Utaqqisut amerliartuinnavipput. Pissutsilli aatsaat taamaalinngillat. Aali immikkut ittumik
suliassaqarfimmi tassaneqqissaaq seeqqunut siffissanullu utaqqisuniinneq sivikillineqassasoq tusagassiorfinni ukiut pingasuinnaat matuma siorna nutaarsiassani atuarneqarsinnaasimasoq.
Kisianni Covid-19 takkuppoq. Pisoq kimilluunniit siulittorneqarsinnaanngitsoq nunarsuarlu
tamakkerlugu ulluinnarni inuunerup takorloorneqarsinnaanngitsumik unittoorneranik
allanngorluinnarneranilluunniit nassataqarsimasoq, Coronamik tunillanneqaratarsinnaaneq
pissutigalugu.
Tunillassuunnerup kinguneri Nunatsinni innuttaasunut aamma malugineqarsinnaapput ilaatigut peqqinnissamut immikkoortumi. Peqqinnissaqarfiup ajalusooqqaneranut tuniluunnermi pissutsit Naalakkersuisunit tusagassiorfinnut nalunaarummi pisuutinneqarput.
’Ilaatigut nunarsuaq tamakkerlugu Covid-19 tamatumalu kingornatigut pisut pissutigalugit,
Peqqinnissaqarfimmi ukiuni kingullerni marlussunni peqqissaasunik nakorsanillu sulisussarsinissaq nalinginnaasumiit sapernarnerulersimavoq’, nalunaarummi ilaatigut allassimavoq.
Tunngavilersuulli tamanna Demokraatinit isumaqatigineqanngilaq. Pissutaasut Covid-19-imut tunngaannanngitsut, Demokraatini peqqissutsimut oqaaseqartartoq peqqissaasutullu ilinniagalik Anna Wangenheim oqarpoq.
- Seeqqulunnermut siffialunnermulluunniit suliaritinnissamut sivisunerusumik utaqqisariaqarneq pinartunut upalungaarsimanerup annertussusaanut aamma takussutissaavoq. Seeqqulunneq siffialunnerluunniit aamma pinartunngorsinnaapput sivisuallaamik utaqqigaanni, tamannalu ataasiakkaat sulisinnaanerannut inuiaqatigiinnullu sunniuteqartorujussuussalluni.
Ilanngutassiaq tamaat aviisimi AG-mi sapaatip-akunnerani matumani saqqummersumi atuaruk, ugguuna iserfigisinnaavat.