Skip to main content

Demokraatit: Inatsit kikkunnut tamanut atuuppoq

Demokraatit siulittaasortaavata Jens-Frederik Nielsenip, Naalakkersuisut Siulittaasuata misissuiffigineqarnerata ingerlanneqarnerani suliaq oqaaseqarfigerusunngilaa, suliarli misissuiffigineqarmat naammagisimaarpaa.

Inatsisartut Kukkunersiuinermut Ataatsimiititaliaata juunip tallimaani nalunaarutigaa, Nuummi Maniitsumilu nipisattassiissutit 204 tonsinik qaffanneqarnissaannik maajip aqqaneq-aappaanni aalajangiisoqarnerani Kim Kielsenip suliamut attuumassuteqarpallaarnera misissorneqassasoq. 

Ataatsimiititaliap misissuinermini nipisattassiissutinik qaffaasimanermut atatillugu suliaqarsimanermut tunngassutilinnik Nalakkersuisut arlalinnik apeqquteqarfiginiarpai. Tamannalu Demokraatinit nuannaarutigineqarpoq.

- Demokraatinit naammagisimaarparput, suliap iternga tikillugu Kukkunersiuinermut Ataatsimiititaliamit Kammeradvokatimillu maanna misissuiffigineqalernera, Jens-Frederik Nielsen Sermitsiaq.AG-mut oqarpoq.

Kukkunersiuinermut Ataatsimiititaliap misissuinissaq juunip tallimaani aallartimmaguli, Naalakkersuisut Siulittaasuata Kim Kielsenip Kammeradvokati suliamik misissuitinniarlugu aalajangiussimavaa. Ataatsimiititaliap juunip tallimaanili misissuisimanini tamanut suli ilisimatitsissutiginngilaa.

Malittarisassat malinneqartussaasut

Siulittaasunngorlaap suliamut atatillugu qanoq isumaqarnerluni, aamma partii pasilliutinut qanoq isumaqarnersoq oqaaseqarfigerusunngilai.

- Misissuineq ingerlanneqartoq oqaaseqarfigissallugu kukkunerussaaq, taanna oqarpoq.

Jens-Frederik Nielsenilli erseqqissaatigaa, suliamut attuumassuteqarpallaarneq pillugu malittarisassat tamanit malinneqartussaasut.

- Ataatsimut tamaasa isigalugit, inatsisit suliamullu attuumassuteqarpllaarnermi malittarisassat Demokraatinit pingaartinneqarnerat tamanit ilisimaneqarpoq. Inatsisit tamatsinnut atuupput, aamma inatsit kikkunnit tamanit malinneqartussaavoq, taanna oqarpoq.

Læs hele sagen:

  1. Naalakkersuisut sætter MSC-certificering over styr
  2. Island har manglet MSC i flere sæsoner
  3. Uenighed om kvoteforøgelse
  4. Jeg har ikke hævet stenbiderkvoten
  5. Kielsen udnytter sin position
  6. Kim Kielsen skal undersøges af lovudvalget
  7. Revisionsudvalget vil undersøge Kielsen
  8. Forklaring om kvoteforhøjelser holder ikke
  9. Ingen er hævet over loven
  10. Naalakkersuisut undsagde egne departementer
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER