Skip to main content

Demokraatit: Aningaasanut inatsit naammattumik anguniagaqanngilaq

Kalaallit Nunaanni inuuniarneq akikinnerusariaqarpoq pisisinnaassuserlu nukittorsarneqartariaqartoq, Demokraatit siulittaasuat, Jens-Frederik Nielsen, oqarpoq.

Demokraatit Inatsisartuni partiini kisiartaallutik 2024-mut aningaasanut inatsisissaq pillugu isumaqatigiissummut peqataanngillat.

Aviisi Sermitsiaq taamak allaaserisaqarpoq.

- Pingaarnertut isigalugu isumaqarpugut, aningaasanut inatsisissaq pillugu isumaqatigiissut anguniagaqarfiunngippallaartoq. Aaqqissuusseqqinnernik soqanngilaq. Taakkua ilaat pillugit ingerlaavartumik isumaqatigiinniarpugut, kisianni suliap ingerlanneqarnera tamakkerlugu isornartorsiorsimavarput, aaqqissuusseqqinnerit ataatsimut takuneqarsinnaannginnerat, Demokraatit siulittaasuat Jens-Frederik Nielsen oqarpoq.

2024-mut aningaasanut inatsisissatut siunnersuutip aappassaaneerneqarneranili Demokraatinit Naalakkersuisut sakkortuumik isornartorsiorneqarput qasusimanerarlugit aalajangiinissamullu ersissuteqarnerarlugit.

- Aaqqissuusseqqinnissanik suliaqarneq eqqarsaatigalugu pissutsit taamatulli ajortigipput. Aalisarneq pillugu inatsisissaq kinguartinneqareerpoq. Akileraartarnikkut aaqqissuusseqqinnissaq pillugu isumaqatigiinniarnerit unittoorsimapput akileraartarnikkullu aaqqissuusseqqinnissaq sivisuumik ilimanaateqanngilaq.

- Naalakkersuisut ineqarnikkut immikkoortortaqarfinnut ajornartorsiortunut 5 millioner koruuningajannik immikkoortitsisimapput, tamannalu erseqqissumik takussutissaalluni, 2023-mi aamma ineqarnikkut aaqqissuusseqqittoqarnaviannginneranut. Tamannami pillugu aamma isumaqatigiinniartoqanngilaq. Kiisalu ilinniartitaanikkut aaqqissuusseqqinneq isertuussaasoq, Naalakkersuisut siulittaasuata Múte B. Egedep ammaalluni oqalugiarnermini oqaatigisaa, takuarput. Taassuma isumaqatigiinniutigineqarnissaanut aamma ataatsimiittoqarsimanngilaq, Jens-Frederik Nielsen, 2024-mut aningaasanut inatsisissatut siunnersuutip aappassaaneerneqarnerani oqarpoq.

Allaaserisap sinnera aviisimi Sermitsiami atuaruk:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER