ataatsimeersuarneq
Demokraatit siulersuisui nutaat inissipput
Demokraatit nuna tamakkerlugu akunnerup naanerani ataatsimeeqatigeereesullu siulersuisui nutaat inissipput. Siulittaasoq Anda Uldum tulluusimaarpoq
Demokraatit Nuummi siulersuisut ataatsimeeqatigiinneranni pissanngatigineqarpoq kikkut siulersuisuni ilaasortaalissanersut. Siulittaasup Anda Uldumip maluginiarpaa illoqarfinnit assigiinngitsuneersut ataatsimiinnermi malunnaateqarluartut.
- Nuna tamakkerlugu ataatsimeersuarnerput ingerlalluarpoq, siulersuisuni ilaasortaarusuttut amerlapput, Anda Uldum Sermitsiaq.AGmut oqaluttuarpoq.
- Siulersuisuni ilaasortanngortut pikkorissuummata suleqatissaqalerpunga pitsaasunik. Ataatsimeersuarneq sapaammi ingerlaqqimmat pikkorissaasoqarlunilu politikkikkut isummersoqatigiittoqarpoq, Anda Uldum oqaluttuarpoq.
- Danskit partiiannik suleqatigisartakkavut Radikale Venstre tikeraartoraavut. Københavnimi innuttaasunut sullissivianit Tommy Petersen aamma Christiansborgimi Radikale Venstrerinut ataqatigiissaarisoq Sif Aagaard Sørensen tikeraartoraavut.
Demokraatini siulersuisut nutaat:
- Siuittaasoq: Anda Uldum, Nuuk
- Siulittaasup tullia: Randi Vestergaard Evaldsen, Nuuk
- Aqutsinikkut siulittaasup tullia: Michael Rosing, Nuuk
- Aningaaserisoq: Karen M. Lynge, Nuuk
- Siulersuisunut ilaasortaq: Klara Jakobsen, Ilulissat
- Siulersuisunut ilaasortaq: Rene Caspersen, Sisimiut
- Siulersuisunut ilaasortaq: Stine Lange, Qaqortoq
Sinniisut:
1. Esben Skytte Christiansen, Tasiilaq
2. Rasmus Dalsgaard Andersen, Nuuk
3. Tillie Martinussen, Nuuk
4. Karl Peter Herlufsen, Nuuk
5. Gerda Vilholm, Tasiilaq
Nuna tamakkerlugu ataatsimeersuartoqarsimanera pillugu annertunerusumik Sermitsiaq.AGmit allaaserineqassaaq