isorliunerusut

Demokraatit: Naalakkersuisooqatigiinni avissaartuuttoqanngilaq

Demokraatit siulittaasuata akisussaaffiit nuunnissaat pillugu oqallinnermi nalaakkersuisooqatigiinni avissaartuuttoqarneranik eqqoriaaqattaanerit eqqunngitsuunerarpai tusagassiuutilli taamatut inerniliiniarnerarlugit

– Kim Kielsen oqaannarpoq nuussinnginnerit kommunit aningaasaqarnerannut kinguneqarnerlussimasut. Tamannalu eqqorpoq, Demokraatit siuli aasuat Randi V. Evaldsen isumaqarpoq

- I lissi, tusagassiuutit, isumaqartarpusi partii naalakkersuisooqataasoq partii alla pillugu oqaaseqaraangat avissaartuuttoqartoq. Nunarsuarmi parteeqarneranut peqquteqarpoq, tassalu isummersortoqartarmat, naleqartitaqartoqarluni isummeriaaseqarlunilu assigiinngitsunik, Demokraatit siulittaasuat Randi V. Evaldsen Sermitsiamut oqarpoq.

Naalakkersuisooqatigiinni Siumumi, Demokraatini Atassummilu avissaartuutto­qarneranik eqqoriaanerit piffissami kingullermi aallartipput maannakkut Naalakkersuisunut siulittaasup Kim Kielsenip (S) Naalakkersuisuusimasut pasillermagit akisussaaffiit Namminersorlutik Oqartussanit kommuninut nuunneqarsimannginnerannut pisuusut. Tamaanikkut Demokraatit aamma naalakkersuisooqataapput.

Atuaruk: Siunnersuut: Nuummi suliffiit 600-t ukununnga nuussapput

- Oqaatigiinnarpaa naalakkersuisuutitaqar­simasut nuussinissat kingulliit ingerlassimanngikkaat, tamannalu eqqorpoq, Demokraatit siulittaasuat oqarpoq.

Atuaruk: Borgmesterit pisortani suliffiit sinerissamut nuutsikkusuppaat

Isumanik aalajangiusimasoq
Taanna isumaqarpoq partiit naalakkersuisooqa­taasut ataasiakkaat naalakkersuisooqatigiin­ni tamakkiisuni isumaqataaffiginngisamin­nik oqaaseqarsinnaanerat peqqinnartuusoq.

- Naalakkersuinikkut suliaavoq isumaqar­porlu isummavut aalajangiusimagivut, taanna erseqqissaavoq.

Allaaserisaq tamaat Sermitsiami atuaruk. Aviisip sammisaraa nuannarineqarluartoq Motoori - biilinut angallatinullu tunngasoq. Sermitsiaq uani pisiariuk:

Powered by Labrador CMS