Skip to main content

Demokraatit KNR-imut siunnersuummi sangoriataartut

Randi Vestergaard Evaldsenip Inatsisartut Siulittaasoqarfiata tusagassiorfik innuttaasunik kiffartuussisoq Inatsisartut ataatsimiinnerinik aallakaatitsinissamut pisussaaffilerneqarnissaanut siunnersuut kamaatigaa. Kisianni nammineerluni siunnersuuteqaqataanikuuvoq.

Tusagassiorfik innuttaasunut kiffartuussisoq KNR Inatsisartut ataatsimiinnerannik radiukkut aallakaatitsisarnissaanik pisussaaffilerneqasssoq Inatsisartut Siulittaasoqarfiat siunnersuuteqarpoq, taanna pingasunngormat siullermeerneqarpoq.

Demokraatit siulittaasuat Randi Vestergaard Evaldsen Siulittaasoqarfimmi marlunngormat tungaanut ilaasortaasimagaluarpoq, tassanilu siunnersuuteqaqataalluni.

Atuaruk: 51 – 6 naalakkersuisoqatigiit ataatsimiititaliani oqartussaaffii

'Inuiaqatigiinnut demokratiskiusunut toqqaannartumik eqquinerlunneruvoq'

Kisianni Demokraatit oqaaseqaataanni 'siunnersuut inuiaqatigiinnut demokratiskiusunut toqqaannartumik eqquinerlunnerusoq' oqarpoq.

- Allatut oqaatigalugu Siulittaasoqarfiup aalajangerniarsaraa, tusagassaqartitsiviup kiffaanngissuseqartup namminersortullu aallakaatitsivissani piffissaq sumut atussaneraa. Tamanna tupinnaqaaq, siunnersuutip suliarineqarnerani Randi Vestergaard Evaldsen oqarpoq.

Atuaruk: Dorisip KNR-imik pinngitsaaliilluni Inatsisartut ataatsimiinnerinut aallakaatitsisarnissamut itigartitsivoq

Isumani allanngortikkaa
Inatsisartut Siulittaasoqarfiani siulittaasup, Lars-Emil Johansenip (S), Demokraatit sooq isumartik allanngortissimaneraat tupigusuppoq. 

- Siulittaasoqarfiup isumaqatigiittup, Demokraatit ilanngullugit siunnersuut saqqummiuppaat. Randi Vestergaard Evaldsenip sapaatip-akunnerata ingerlanerani isummani allanngortissimammagu taamaammat tupigusuutigaara, Lars-Emil Johansen Sermitsiaq.AG-mut oqarpoq.

Siunnersuut ippassaq siullermeerneqarpoq, taannalu ataatsimiititaliamut suliassanngortillugu ingerlateqqinneqarpoq.

Atuaruk: Inatsisartut siulittaasoqarfiat tamat oqartussaaqataanerinik nangiarnartorsiortitsisoq KNR isumaqarpoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER