Skip to main content

Demokraatit isumaqatiginninniarnermut peqataajunnaarput

Demokraatit siulittaasuata partiimi IA-llu naalakkersuisooqatigiissinnaanerannut tunngatillugu isumaqatiginninniaqqinnissaq tunngavissaqarsorinngilaa.

Demokraatit siulittaasuata IA-p siulittaasuanik Múte B. Egedemik naalakkersuisooqatigiissinnaanermut isumaqatiginninniarnini unitsissimavaa. Jens-Frederik Nielsen Sermitsiaq.AG-mut taamatut ilisimatitsivoq.

-  Nunamut atatillugu pingaarnertut siunnerfiginiakkavut isumaqagtigiissutigisinnaanngilagut, taamaammallu naalakkersuisooqatigiissinnaanerput attanneqarsinnaanavianngilaq.

Siulittaasulli erseqqissaassutigaa, partiip siunissami suleqatigineqarsinnaanera mattunneqanngitsoq.

- Demokraatit suliassaqarfitsigut arlaliusutigut sunniuteqarsinnaassappata politikkikkut isumaqatigiissuteqarsinnaapput aamma isumaqatigiissutigineqartut nunap ajunngitsumik ingerlalernissaanut atuutissappata, taanna oqarpoq.

Demokraatit nalunaarutigereerpaat, partii kingullermik qinersisoqarmat arfinilinnik qinigaatitaqarneranut uterteqqinniarlugu sulissuteqarniarlutik. Siulittaasoq naapertorlugu, tamanna pissaaq partiip aaqqissuuteqqinneqarneratigut innuttaasunillu tatigineqaqqilerneraatigut.

Siulittaasullu Jens-Frederik Nielsenip IA-p siulittaasua naalakkersuisooqatigiliornissamut Inatsisartuni partiinik pingasunik isumaqatiginninniarnissaanut iluatsitsilluaqquaa.

- Múte sulilluarnissaanik kissaapparput naalakkersuisooqatigiinnillu pilersitsinissaanut qilanaarluta.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER