Skip to main content
KNR

Demokraatit isornartorsiuinerat IA-mit tupaallaatigineqarpoq

IA ilaatigut suleqatigineqarsinnaannginneranik Demokraatinit oqariartuuteqartoqarnera Inuit Ataqatigiinnit Naaja Nathanielsenimit paasiuminaatsinneqarpoq

Demokraatit imatut siunnersorusuppakka: Mianersuutigisiuk akerleriissutissaqanngitsoq akerleriisitsiniarneq. Periarfissarpassuaqarpoq Inuit Ataqatigiit kiisalu Demokraatit/ naalakkersuisooqatigiit akerleriinnerannik takussutissanik qalluinissaq, taamaattumillu isumaqatigiissutiginngisagut peqquteqarniarlik assigiinngitsunik anguniagaqaratta imaluunniit assigiinngitsunik paasinnittaaseqarnerput pissutaammat. 

Inuit Ataqatigiit politikkikkut oqaaseqartartuat Naaja Nathanielsen oqarpoqæ 

Demokraatit politikkikkut oqaaseqartartuat Randi Vestergaard Evaldsenip marlunngornermi oqaatigaa 'Inuit Ataqatigiit aalajangersimagunartoq manngertutut isumakkersimasutut illuatungiliuttuuniarluni'. Tamannalu Naaja Nathanielsenip qisuariaateqarfigaa. 

Demokraatinit aamma oqaatigineqarpoq Mimi Karlsen politikkikkut akisussaasuusoq KNR-imik angusaqarnissamik isumaqatigiissut qaangiummat.

- Soorunami inissaminiinngilaq Mimi Karlsen-ip nalaani sullissinermik isumaqatigiissut kinguaattoorsimammat. Sullissinermut isumaqatigiissut atuutilersimasussaagaluarpoq 1. januar 2013. Tamannalu sioqqullugu qaammaterpaaluit piareersarnermut atorneqarsimasussaagaluarlutik. Kukkunerulli ataatsip kukkuneq alla iluarsinavianngilaa. Inatsisartunut qinersinissaq suaarutigineqarpoq 31. januar 2013 – taamaattumillu maannakkut Mimi Karlsen-i ukiut marluk akisussaasuusimanngilaq  - sulilu KNR-imut sullissinissamik isumaqatigiissuteqartoqarani, Naaja Nathanielsen oqarpoq. 

Suleqatiginnissinnaanngitsutut taaneqarneq oqaaseqarfigaa
- Demokraatit isornartorsiuinerat qanoq oqaaseqarfigisinnaaviuk?

- Isornartorsiuinerat tupaallaatigeqaara. Mimi Karlsenip oqaaseqarnera Demokraatiniimmi oqaatigineqarpoq Inuit Ataqatigiit 'aalajangersimagunartoq manngertutut isumakkersimasutut illuatungiliuttuuniarluni', tamanna tupaallannarpoq. 

- Mimi Karlsenip isornartorsiuinera Demokraatinit Randi Vestergaard Evaldsenimit isumaqatigineqartoq allanneqarpoq. Taamaattumik KNR-imut tunngatillugu Demokraatit Inuit Ataqatigiillu isumaqatigiissutigisimassagunarpaat. Nivi Olsenimit oqariartuutigineqartut Inuit Ataqatigiinnit isornartorsiorneqanngillat. Suliami uani inuinnik ataasiakkaanik aamma Inuit Ataqatigiit isornartorsiuinngillat, nuit Ataqatigiit politiskikkut oqaaseqartartuat Naaja Nathanielsen oqarpoq.

AG-mi sapaatip matumani saqqummersumi atuarneqarsinnaapput 'KNR sakkortuumik tatineqartoq' aamma 'KNR-ip pisortaata iliuusissaarulluni tusagassiorfiit saassuppai'. Aviisi ataani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER