oqallinneq
Demokraatit inuusuttut: Doris tamanna pitsaanngilaq
Doris Jakobsenip allat suliaannut imminut nersorniarsarisoq, Demokraatit Inuusuttaat isumaqarput
Demokraatineersup Nivi Olsenip kolligialiortitsinissat aamma efterskolertarnissat sukataarluni anguniagaasa, Doris Jakobsen (S), inuit nittartakkatigut attaveqatigiittarfiini angusarissaartutut saqqummertikkaa.
Demokraatit Inuusuttaat taama isumaqarput, taamaattumillu Doris Jakobsenip Facebookikkut imminut nittarsaannani kingoraakkani taasariaqaraa kajumissaaripput.
Atuaruk: Nivi Olsen: Siumut ilinniartitaanermut politikkimik iluareqqusaarpaluttumik ingerlatsivoq
- Maanna Ilinniarnermut, Kulturimut, Ilisimatusarnermut Ilageeqarnermullu naalakkersuisup Doris Jakobsenip suliat aallartisarnikuunngisani imminerminut suliarinnittuusutut ataqqinaatitut innuttaasunut saqqummiuttassappagit, pitsaasutut isigaarput, Demokraatit Inuusuttaat tusagassiuutinut nalunaarummi allapput.
Atuaruk: Ilinniartut: Unioqqutitsilluni kollegianit anisitsisoqartarpoq
Doris Jakobsenimut taakku qisuariaataa Facebookikkut allatanik marlunnik pissuteqarput. Allatami siullermi Doris Jakobsen Facebookimi allappoq, Ilulissani, Aasianni, Sisimiuni, Nuummi aamma Qaqortumi kolligiat sanaatorneqarnissaat tulluusimaarutigalugu. Demokraatit Inuusuttaat naapertorlugit, taamaalilluni sanaartornissamut imminut ataqqinaatitut saqqummiuppoq.
Imminut kusassartoq
Inuusuttut politikerit naapertorlugit, tamatuma kingorna aamma meeqqat ukiumut 340.000 koruunit ataallugit isertitaqartunik angajoqqaallik akeqanngitsumik efterskolertalernissaannut periarfissaqalerneq nammineq suliarisimasutut saqqummiuppaa.
- Allat suliaannik imminut nittarsaassuteqarniaraanni, taava qanoq iliuusissaaleqisoqartigisimassava?, Demokraatit Inuusuttaat aperipput.