Skip to main content

Demokraatit inuusuttaasa saamerliit illuatungilerniarpaat

Demokraatit Inuusuttaanni siulersuisunngortut inuiaqatigiinni oqallinnermi talerperliit naleqartitai sulissutiginiarpaat

Demokraatit Inuusuttaat pingasunngormat ataatsimeersuarput. Tassani Inuusuttut partiiat nutaanik siulersuisortaarmat Michael Clasen siulittaasunngorpoq. Siulersuisunngortut ilaasortassarsiorniarput inuusuttunik talerperliit isummersoriaasiannik itisuumik isummersortartunik, Demokraatit Inuusuttaat nukittunerullutik inuiaqatigiinni oqallinnermi peqataaneruleqqullugit.

Ukiuni amerlavallaani nunami saamerlernik aqunneqartumi sutigut tamatigut ikiorneqartarluta sungiunneqarsimasut siulersuisunngortut isumaqarput.

Atuaruk: Demokraatit Inuusuttaasa Siumut sangujoraarnerarpaa

Atugarissaarneq aningaasameertitsivoq

- Ajornartorsiutit uaniipput, piffissaq ungasinnerusoq isigalugu atorsinnaanngimmat - tungiuinermut aningaasassaarutileratta, siulittaasunngorlaaq Michael Clasen oqarpoq.

- Namminersulivinnissamut alloriartoqarmat eqqarsaatigeqqaallannguarnagu ilumut akissaqarnersugut pisariaqarluinnaqqissaarpoq uangut inuusuttut siunissami nunamik ingerlatseqqittussat akisussaassuseqarluta pissasugut piareersimallutalu inuiaqatigiit ilorraap tungaanut aallariartinnissaannut, tusagassiuutinut nalunaarummi erseqqissaavoq.

Siulersuisunngortut ukuupput:

Siulittaasoq: Michael Clasen

Siulittaasup tullia: Nadia Olsen

Aningaaserisoq: Linda Hegelund

Allatsi: Frederik Siegstad

Siulersuisuini ilaasortaq: Henrik Thomsen

Siulersuisuini ilaasortaq: Manasse Berthelsen

Siulersuisuini ilaasortaq: Aputsiaq Olsen Jonathansen

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER