Skip to main content

Demokraatit Inatsisartuni marlunnik nutaanik ilaasortaatitaqalersut

Steen Lynge Anna Wangenheimilu Inatsisartunit sulinngiffeqarnissamik qinnuteqarsimapput.

Demokraatit naalakkersuisooqataalernikuupput, tassungalu atatillugu partiimi ilaasortat marluk Naalakkersuisunngorsimallutik.

Anna Wangenheim peqqissutsimut naalakkersuisunngorpoq, Steen Lyngelu nunanut allanut nukissiuuteqarnermullu naalakkersuisunngorluni.

Taakku marluullutik tamatumunnga atatillugu Inatsisartunit sulinngiffeqarnissamik qinnuteqarsimapput. Inatsisartut siulittaasuata Vivian Motzfeldtip (S), tallimanngormat aqqanernut ukiakkut ataatsimiinneq aallartimmat tamanna oqaluttuaraa.

Suka. K. Frederiksen pillugu minutsimi ataatsimi nipaallisimaneq

Demokraatit sinnerlugit Inatsisartuni sinniisussatut toqqagaasimasut Bo Martinsen aamma Rachel H. Ingemann Inatsisartuni ilaasortassatut nutaatut qaaqquneqarsimapput.

Aamma Siumumi sinniisussaq akuerineqarpoq. Nikkulaat Jeremiassen, Laura Táunâjik Uitsatikitseq sulinngiffeqarnissamik qinnuteqarsimasoq taarserlugu ilaasortanngormat.

Taakku marluullutik Inatsisartut Qinigaanerup Misilinneqarnissaanut Ataatsimiititaliamit akuerineqarput.

Inersuarmi ataatsimiinnissaq aallarnerlugu, Inatsisartuni Naalakkersuisunilu ilaasortaasimasoq Suka K. Frederiksen juulip 21-ani toqukkut qimaguttoq eqqaaniarlugu, minutsimi ataatsimi nipaallisimasoqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER