Skip to main content

Demokraatit iluminni isumaqatigiilertut

Michael Rosing ulloq una aallarnerfigalugu Demokraatit Inatsisartuisa gruppianut uteqqippoq.

Qaammatini arlalinni Demokraatit iluminni aaqqiagiinngissuteqarsimallutik massakkut isumaqatigiilerput.

Siullermik Inatsartut upernaakkut ataatsimiinerisa aallartilaarnerani Michael Rosingip gruppimi aaqqiagiinngissuteqarneq patsisigalugu oqaaseqartartuuffini ataatsimiititalianilu ilaasortaaffini tamaasa annaavai.

Taannali maanna gruppimi suleqataaqqalerpoq. Partiip siulersuisuia tusagassiuutinut nalunaarutaani tamanna erserpoq.

- Michael Rosing ulloq una aallarnerfigalugu Demokraatit Inatsisartuisa gruppianut uteqqippoq, tassanngaanniillu upernaakkut inatisartut ataatsimiinneranni peqataaniarluni, siulersuisuunerit sinnerlugit, Randi Vestergaard Evaldsen allappoq.

- Oqaatigeriikkatsituulli suliaq sivitsortumi suliarineqarsimavoq, illuatungeriit aaqqiiniarsimapput, ulluinnarni aqutsisut, Michael Rosing aammalu Sermersooq Kangiata immikkoortortaqarfiata akornani.

Taannali aatsaat Inatisartartut ukiaanerani ataatsimiinneranni inissititerinermi ataatsimiititalimut ilaasortanngorsinnaassaaq.

- Oqaaseqarfissanut tunngatillugu allannguinissaq aamma pissusissamisuunngilaq, Inatsisartummi upernaakkut ataatsimiinnerata killiffia qiviaraanni naaliivippoq, tusagassiuutinut nalunaarummi taama allassimasoqarpoq.

- Oqaaseqarfissat ukiakkut ataatsimiinnermi piareersarneqalerpata aamma qiviarneqarumaarput.

Partiip iluani aaqqiagiinnginnermut ilaatigut marlunnik qinigaaffeqartarnermut tunngassuteqarsimavoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER