Skip to main content

Demokraatit illuatungiliuttuuniarlutik aalajangerput

Partiip isumaa Siumumut ungasippallaartoq Demokraatit siulittaasuata nalilerpaa

Naalakkersuisooqatigiilernissamut isumaqatiginninniarnerni Demokraatit assigiinngitsunik piumasaqaateqarput, soorlu akileraarnikkut appaanerit, Tunngaviusumik inatsimmut isumalioqatigiissitap atorunnaarsinneqarnissaa, atuartitaanermut pitsaanerusumik politikkeqarnissaq kiisalu inunnik isumaginninnermut suliaqartut aningaasarsiatigut pitsaanerusumik inissisimalernissaat.

Siumumik isumaqatiginninniarnertik Demokraatit unitsikkaat maanna nalunaaruteqarpoq. Demokraatit piumasaqaatitik tamarmik eqquutsinnissaat piviusorsiorunnaarmat isumaqatiginninniarnernik peqataajunnaarnertik oqaatigaat.

- Taamaattumik Naalakkersuisooqataassanngilagut. Politikkikkut anguniakkagut allanngortinnagit isumaqatiginninniarpugut. Isumaqatiginninniarnernut peqataajunnaarluta Kim Kielsenimut nalunaaruteqarpugut kiisalu Siumup isumaqatiginninniarluarnissaanik kissaallugu, Demokraatit tusagassiutinut nalunaaruteqarput.

Isumaqatiginninniarnerit ataqqeqatigiissumik ingerlanneqarsimasut Demokraatinit oqaatigineqarpoq.

- Demokraatini qinigaaffiup tulliuttup ingerlanerani kinguneqartussanik isummertarluta, naammassisaqarusulluta piviusorsiorlutalu politikkimik social liberalismimik ingerlatsissaagut.

- Taamaattumik suulluunniit suliniutit nunatsinnik inuiaqatigiinnillu iluaqusiisussat sukkulluunniit tapersersortarumaarpagut. 

- Aammattaaq nalunaarutigaarput kissaatigalutigu kinguneqartussanik isumaliorluta qinigaaffiup tulliuttup ingerlanerani suleqataarusulluta taamaattumik naalakkersuisoqatigiinnut ilaanngikkaluarluta isumaqarpugut pingaartuusoq suleqateqarusussuseqarnissaq immikkoortuni assigiinngitsuni politikkimi qulequttat isumaqatigiissutigisinnaasartussaagatsigit. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER