Demokraatit IA-mik suleqateqarsinnaanertik tunuarsimaarfiginngilaat
Siumut aamma IA Naalakkersuisooqatigiinnissamik isumaqatigiissanngippata Demokraatit IA-mik suleqateqarsinnaanertik ammaffigaat
Demokraatit Siumumik isumaqatiginninniarnerat ippassaq ajalusoorpoq. Taamaakkaluartoq Naalakkersuisuutitaqarnissaq suli ammaffigineqarpoq, siulittaasoq Randi V Evaldsen oqarpoq.
Taamaakkaluartoq Siumut Naalakkersuisooqatigiinnissamik isumaqatigininniartuuvoq maannamut.
- Susoqarnissaa utaqqivarput. Siumut partiinik isumaqatiginninniarput, tamannalu pisinnaatitaaffigaat.
Inuit Ataqatigiit, Partii Naleraq, Atassut aamma Nunatta Qitorna suli Siumumit isumaqatiginninniarfigineqarput. Inuit Ataqatigiit aamma Siumut isumaqatigiissinnaanngippata, Demokraatit IA-mik isumaqatiginninniarnissaq ammaffigaat.
- Siumut kisimi isumaqatiginninniarfigereerparput.
IA isumaqatiginninniarfigineqarnissamik tutsaqarnikuua?
- Naamik, attaveqaqatigiittoqarnikuunngilaq tamanna pillugu, Randi V Evaldsen oqarpoq.