Skip to main content

Demokraatit arfininngorpat ataatsimeersualerput

Demokraatit arfininngornermi 14. maj onlinekkut ingerlasussamik ataatsimeersualerput. Aaqqissuisoqarfiup paasisai naapertorlugit siulittaasuusoq Jens-Frederik Nielsen unammillerteqarani siulittaasutut ingerlaqqittussanngorpoq.

Demokraatit arfininngornermi 14. maj ataatsimeersuassapput.

Tamanna ingerlanneqassaaq nal. 10.00 onlinekkut peqataasoqassalluni.

Jens-Frederik Nielsen, 8. juni 2020 partiimi siulittaasunngortoq Sermitsiaq.AG-mut ilisimatitsivoq siulittaasutut ingerlaqqinnissaminut sassassalluni.

Sermitsiaq.AG-p Demokraatinit Inatsisartuni ilaasortat sinneri marluusut aperai siulittaasutut sassassanersut.

Nivi Olsen aamma Anna Wangenheim ilisimatitsipput siulittaasussatut sassarniaratik.

Kitaa Kangialu ataatsimuulissapput

Ataatsimeersuarnermi siulittaasup nassuiaat saqqummiutissavaa. Kiisalu aningaasanut naatsorsuutit ukiut siuliinut marlunnut atuuttut aammalu ukiut tulliinut marlunnut atortussatut naatsorsuussat akuerineqassallutik.

Partiimi siulittaasumik, politikkikkut siulittaasup tullianik ulluinnarni aqutsinermi siulittaasup tullianik, aningaaserisumik aamma siulersuisuni ilaasortanik pingasunik kiisalu sinniisunik arfineq-marlunnik toqqaasoqassaaq.

Kommuneqarfik Sermersuumi immikkoortortat marluusut partiimi aalajangiiffigineqartussatut siunnersuuteqarput.

Sermersooq kommuni ataasiugaluarluni, partii marlunnik immikkoortortaqarpoq, tassa Sermersooq Kitaa aamma Sermersooq Kangia. Immikkoortortat marluusut ataasiinnanngortinnissaat siunnersuutigineqarpoq, Nuuk, Paamiut, Tasiilaq, Ittoqqortoormiit taakkulu nunaqarfii ataatsimoortumik immikkoortortaqalersittussanngorlugit.

Taamaaliorneq sulinermi eqaallisaanissamik pisariinnerusumillu sulianik ataqatigiissaarinissamik siunertaqartoq, Sermersooq Kitaani immikkoortortami siulittaasoq Poul Petersen Sermitsiaq.AG-mut ilisimatitsivoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER