Skip to main content

Demokraatit: Aajuku angusavut

Nunatsinni partiit liberaliunersaasa Demokraatit piffissami kingullermi politikkikkut angusimasatik pingasut maluginiaqquvaat

– Partiimut mikisumut naalakkersuisooqatigiinni peqataanissamik aalajangerneq, aalajangerneruvoq angisooq. Tatineqarnissamik puigorneqarnissamillu ulorianartoqarnera annertoqaaq, partiimi Demokraatini siuttut nuimanerit pingasut, siulittaasoq Anda Uldum, kiisalu siulittaasup tullii marluk Rand Vestergaard Evaldsen Michael Rosingilu allapput.

Politikkikkut sammisat pingasut erseqqissaatigaat, isumaqarfigisatik sunniiniarlutik tamaviaarluarnermikkut ajugaaffigisimallugit.

Tassaapput Inatsisartut ataatsimiittarfittaassaanik sananiarnerup taamaatiinnarneqarnera, sulinermi akileraarutit qaffatsinniarnerinik mattussineq aammalu namminersorlutik oqartussani politikkikkut siunnersortinik amerlanerusunik atorfinitsitsisarunnaarnissamik aalajangiineq.

Angusatik pingasut erseqqissaatigaat

– Inatsisartunut qinersinissaq sioqqullugu partiit allat tamarmik, uagut kisitta pinnata, aalajangiipput Inatsisartut ataatsimiittarfiannik nutaamik, millioninik untritilinnik arlalinnik akilimmik, sanasoqassasoq. Demokraatit anguniartuarsimavaat aningaasarpassuit tamakkua pitsaanerusumik atorneqartariaqartut, taamaatut partii nalunaarpoq, pineqartullu pingasut maanna pisortatigoortumik unitsinneqarput.

Taakkua politikkikkut siunnersortit pillugit eqqaasitsissutigaat:

– Kaajallaasitaq, Naalakkersuisunut ilaasortanik immikkut siunnersortimik atorfinitsisinnaanerannik pisinnaatitsisoq, Demokraatit aallaqqaataaniilli sakkortuumik akerlerisimavaat, kaajallaasitaq ullumikkut atorunnaarsinneqareersimasoq pillugu politikerit taakkua pingasut allapput.

Partiip liberaliusup aamma eqqaasitsissutigaa Siumukkormiut Atassutikkormiullu sulinermi akileraarutit qaffanneqarsinnaanerat eqqartorsimagaat, Demokraatilli tamassuma pinngitsoortinnissaa pingaartilluinnarsimavaat.

Illua'tungiliuttut qinngasaarpaat

Demokraatit politikkimik nalunaarumminni naggataatigut partiip siuttuisa Inuit Ataqatigiit qinngasaarpaat, partiilu saamerliusoq suleqatiginnikkumanngitsutut unnerluutigalugu.

– Piumasuugutta taamanikkut naalakkersuisooqatigiligassatsinnut ajornarniarlutalu piuminaanniarsimassagaluarpugut, taamaasillutalu immitsinnut illua'tungiliuttutut inississimassagaluarluta, sunniuteqarnissamut akisussaaffeqarnissamullu ungasissorujussuarmut. Soorlu Inuit Ataqatigiit taamatorpiaq imminnut inississimasut, Demokraatineersut Anda Uldum, Randi Vestergaard Evaldsen aamma Michael Rosing ataatsimut oqaaseqaamminni allapput.

Inatsisartuni ilaasortanit 31-nit Demokraatit sisamanik ilaasortaatitaqarput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER