Skip to main content

Delta Nunatsinni atugaalersimasoq

Misissueqqissaarsimanerit takutippaat, coronavirusi tuniluutipallassinnaasoq, Deltamik taaneqartartoq Nunatsinni atugaalersimasoq.

Nunatta Nakorsaanerata Henrik L. Hansenip siusinnerusukkut oqaatiginikuuaa, Delta tuniluutipallassinnaasoq qaquguluunnit Nunatsinni atugaalerumaartoq.

Oqaaserisimasaalu taanna eqqortuusoq maanna paasinarsivoq.

Nunatsinni coronavirusimik tunillatsissimasut arlallit misissuiffigeqqissaarsimaneranni akissutit ullumikkut takkussimapput, Deltalu misissukkaat akornanniittoq paasineqarsimalluni. Nunatta nakorsaanera Sermitsiaq.AG-mut taamatut ilisimatitsissuteqarpoq.

Nunatta nakorsaanerata naatsorsuutigaa, Delta nunap immikkoortuini sorlerni atugaalersimanersoq ullumi kingusinnerusukkut ilisimatitsissutigissallugu.

Delta Islandimi killilersuutinik nutaanik atuutsitsilernermut pissutaasoq

Piffissami kingullermi corona nunami maani tuniluutilerpoq, Nunatsinnilu Nakorsaaneqarfiup coronamut atatillugu nittartagaa naapertorlugu, coronavirusimik tunillatsissimasut maannakkorpiaq 30-upput. Nunarsuarmi tuniluuttoqarnerata nalaani Nunatsinni coronamik tunillatsissimasutut 92-it nalunaarsorneqarsimapput.

Islandimi Delta pissutigalugu killilersuutinik arlalinnik sapaatip akunnerata naanerani atuutsitseqqittoqalersimavoq, tassa innuttaasut 16-ileersimasut 85 procentii tamakkiisumik akiuussutissalerneqareersimagaluartut. Ritzau taamatut allappoq.

Islandimimi Delta pissutaalluni tunillatsissimasut amerleriangaatsiarsimapput, tunillatsissimasut ullut arfineq-pingasut matuma siornatigut 60-iusimariarlutik maanna 371-inngorsimagamik.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER