landstrænerfyring
DBU sungiusaasumik soraarsitsinermut akulerunnianngitsoq
Dansk Boldspil Unionimi siulittaasoq nunatsinni isikkamik arsaalluni pissartanngorniunnerit isiginnaariartorlugit nunatsinniissimavoq
DBU-p siulittaasua Jesper Mølleri nunatsinni isikkamik arsaalluni pissartanngorniunnerit sapaatip akunnerata naanerani isiginnaarpai.
Tassani Kalaallit Nunaani Arsaattartut Kattuffiani siulersuisut ataatsimeeqatiginissaanut periarfissinneqarpoq. Kattuffiillu tamarmik nunatsinni isikkamik arsaannerup ineriartortinneqaannarnissaa aalajangiuppaat.
Ataatsimiinnermi Tekle Ghebrelulip soraarsitaasimaneranut Jesper Møller paasitinneqarpoq. DBU-lli siulittaasut akuliukkusunngilaq.
- Imminnut qanittut akornanni suliassatut, DBU-p siulittaasuata isigai akuliuffigerusunnangillu, Dansk Boldspil Union nittartakkamini allappoq.
Qeqertarsuarmi nunatsinni pissartanngorniunnerit naammassineqaqqammertumi, DBU-p siulittaasuata Jesper Møllerip suleqatini Kalaallit Nunaani Arsaattartut Kattuffianeersut (KNAK) ataatsimeeqatigai.
Nuimasunik tikeraartoqarneq
Ataatsimiinnermi svenskit isikkamik arsaattartut kattuffiani siulittaasoq Karl-Erik Nilsson, UEFAmi 1. vicepræsidentiusoq aamma peqataavoq.
Tassani illuatungeriit DBU nunatsinni isikkamik arsaannerup qanoq ineriartortinneqarnissaanut KNAK qanoq tapersersorsinnaaneraa eqqartorneqarpoq. Amerlanerusunik sungiusaasunik ilinniartitsinissaq, dommerit aqutsisullu eqqartorneqarput aammalu nunatsinni isikkamik arsaannermut atortut ukkatariuarneqarnissaat.