illoqarfiit pingaarnersaanni suliniut
Davidsen borgmesterimut: - Eqqartuussisunut tunniussineq nassuiaateqarfiugiuk
Kommunalbestyrelsimi ilaasortap, Peter Davidsenip (S), professorip eqqartuussisunut tunniunneqarnera tusagassiuutitigiut tusarnera toqqissisimanarinngilaa
Kommuneqarfik Sermersuup RUC-professor Ole Helby Petersen illoqarfiit pingaarnernersaanni suliniut pillugu oqaaseqaataa pillugu eqqartuussivimmut tunniuppaa. Professorillu eqqartuussivilersuunneqarniarnera kommunalbestyrelsi avaqqullugu aalajangiineruvoq.
Tusagassiuutitigut tusaraa
Taamaammat Siumup kommunalbestyrelsimi ilaasortaatitaasa allakkani ammasuni borgmester Asii Chemnitz Narup (IA) nassuiaateqarnissaa piumasaraat.
- Naluneqanngitsutut ulluni kingullerni tusagassiutitigut professor Ole Helby Petersenip eqqartuussisunut Kommuneqarfik Sermersuumiit tunniunneqarnera saqqummiunneqarpoq. Ullumikkullu qujanartumik taamatut eqqartuussisunut tunniussineq tunuartinneqartoq nutaarsiassatigut aamma tusarparput, Siumut ilaasortaatitai sinnerlugit Peter Davidsen allappoq nangillunilu:
Toqqissisimananngitsoq
- Unneqarillunga oqaatigerusuppara, taamatut tusagassiutitigut tusarlerneqarneq toqqissisimananngimmat aammalu qinikkatut akisussaaqataasugut avaqqutiinnarneqarnerput pissusissamisuunngilluinnartutut isigigatsigu, Peter Davidsen oqarpoq.
Kommuneqarfik Sermersuumi Siumup kommunalbestyrelsimut ilaasortaatitaasa borgmester qinnuigaa kommunalbestyrelsimut tamarmiusumut pisoq pillugu sukumiisumik nassuiaateqaqqullugu taamatullu iliuuseqarnerup suut kingunerissanerai nassuiaateqarfigissagai.
Pisoq pillugu allaaserisat atuakkit:
Sermersuup RUC-professori sassartippaa
Ilisimasallit: Kommunaldirektøri attassiinnarsinnaanngilaq