misissuineq

Dash 8-p juullikkunni ajutoornera: Timmisartumi kukkunermik misissuisartut nassaartut

Nuummi timmisartup Dash 8-p juullip ukiutoqqallu nalaanni ajutoornerani timmisartoq ajoqquteqarsimasoq timmisartunik ajutoortoqarsimatillugu misissuisartut misissuinerminni paasisaqarput. Aamma nalunaarutigineqartumit mittarfiup sarajannerusimanera ajutoortoqarneranut pissutaasimasinnaavoq

Air Greenlandip timmisartua Dash 8 Nuummut tikinnermini ajutoorpoq decembarip 29-ani nalunaaqutaq 12.30

Timmisartup Dash 8-p Nuummut minnermini ajutoornera pillugu Air Greenlandip Mittarfeqartiit ajutoortoqarneranut pisuutippaat.

Timmisartunik ajutoortoqarsimatillugu misissuinerminni paasivaat nalunaarutigineqartumit mittarfik quasannerusimasoq. Timmisartunik ajutoortoqarsimatillugu misissuisartut Nuummi timmisartup ajutoorneranut nalunaarusiagallartumi allapput.

Timmisartoq ajoqquteqalaarsimasoq paasivaat. Timmisartulli quaanneranut attuumassuteqarunanngilaq.

Timmisartup minnermini ingerlannaartumik saarlivoq, tamanna politiinit allatut nassuiaatigineqarpoq.

Aquttut iliuuseqapallattut
Timmisartunik akutoortoqarsimatillugu misissuisartut Nuummi pisoq ilungersunartuusoq oqaatigineqarpoq. Timmisartumi tallimanik ilaasoqarpoq pingasunillu sulisoqarluni ajutoornerani. Timmisartoq Paamiuliartilluni utiinnarami taamatut pisoqarpoq.

Sila timmisartorfigalugu ajunngikkaluarpoq. Timmisartup nunamut tunnermini aquttut ingerlannaq timmisartoq nalingissaasumik pisartumik maskiinap tunumoortaataa nusuppaat. Timmisartoq ingerlannarluni saamiup tungaanut saarlivoq. Motoriup talerpiata tungaaniittup suliassani suliarinnginnamiuk taamatut pisoqarsimasoq misissuisut nalunaarutigaat.

Taamatut pisoqarmat timmisartumi aquttut assakaasut bremsertippaat ingerlaannartumik.

- Taamatut iliuuseqarneq suli misissorneqarpoq. Timmisartup 'sorte boks'-ia maannakkut atorlugu misissuissaagut, tassani atortorineqartut qanoq aamma iliuuseqarsimanersut misissorneqassaaq, ajutoortoqarneranik misissuisoq Anders Kristensen oqarpoq.

Quasannera pissutaaqasaasoq
Naak timmisartumi aquttut ajunngitsumik iliuuseqapallakkaluartut taamaattoq timmisartoq pissusissamisut minngilaq.

Timmisartoq aputip tungaanut allarpoq tassanngaanniillu aamma timmisartoqarfiup uninngasarfiata tungaanut ingerlalerluni. Timmisartoq timmisartumilu ilaasut ajoqqusinngillat.

Misissuinerilli takutippaat timmisartortartunut nalunaarutigineqartumit mittarfik quasannerusimasoq. Timmisartup uneriasaarsinnaaneranut killigititaasoq qaangerneqarsimanersoq suli misissorneqassaaq.

Mittarfiulli quasannera pissutaalluni taamatut pisoqarsimanera qularutigineqanngilaq.

- Timmisartup minnerani aquttut timmisartoq aqussinnaajunnaarpaat. Tamanna mittarfiup quasannera pissutaaqataavoq, Anders Kristensen oqarpoq.

Air Greenlandip timmisartua Ilulissani ajutoormat imaluunniit Air Icelandip timmisartua Nuummi ajutoormat juullikkut nalaanni ajutoornermit allaanerusoq nalunaarutigineqarpoq.

Timmisartunik ajutoortoqarsimaneranik misissuisartut nalunaarusiaagallagaat tuluttoortoq uani atuarneqarsinnaavoq

Powered by Labrador CMS