Skip to main content

Dash 8 isumannaallisaanikkut mittariaqalersimasoq

Dash 8 Narsarsuarmiit Kangerlussuarmut ingerlaartilluni isumannaallisaaneq pissutigalugu minnissamut piareersartariaqalersimavoq, taamatullu Kangerlussuarmut milluni. Ilaasut tamarmik ajunngitsut ilisimatitsissutigineqarpoq.

OBS: Air Greenlandimit nassuiaat ilanngunneqarpoq nal. 16.22.

Air Greenlandip timmisartuutaa Dash 8 Kangerlussuarmut mittussanngorami sillimaniarneq pillugu mittariaqalersimavoq.

- Timmisartumi aquttut, pilotit, aquttarfimmi maluginiagaqalerput motoorip illuatungaanik ajortoqaratarsinnaaneranik. Taamaammat motoorip illua qamippaat, illuinnaanillu motooreqarlutik ingerlaaqqillutik, taamaammat malittarisassat malillugit sillimaniarnikkut mittoqartariaqarsimavoq, attaveqatigiinnermi suliaqartoq Katja Vahl ilisimatitsivoq.

Timmisartoq Narsarsuarmiit ingerlaartuuvoq, Air Greenlandillu nittartagaani takuneqarsinnaasutut ullumi nalunaaqutaq 15.30 missaani Kangerlussuarmut missimalluni.

- Timmisartoq maanna Kangerlussuarmut mereerpoq ilaasullu tamarmik ajoqusersimanngillat. Air Greenlandip ajutoortoqartillugu inuttaasunut ilaasunullu sillimatitai sulilereerput, Air Greenland tusagassiorfinnut nalunaaruteqarpoq.

Air Greenlandip upalungaarsimasui pilersaarutit malillugit sulilereerput, timmisartullu sillimaniarneq pissutigalugu mittariaqarsimanera maanna misissorneqaleruttorpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER