Skip to main content

Danskit tusagassiorfii tikerartut

Inatsisartunut qinersinerup malinnaavigineqarnerani tusagassiorfinnit elektroniskiusunit aviisinit ullormut saqqummertartunit danskit tusagassiortunik amerlasuunik aallartitsisoqarpoq

Danmarkimi tv-qarfiit annerit marluk kiisalu aviisinik saqqummersitsiviit nuimasut arlallit aningaasanik atuillutik Inatsisartunut qinersinermi malinnaatitsinermik annertusaangaatsiarput. Danskit tusagassiorfiisa taama aallartitaqartigisarnerat qaqutigoorpoq.

TV2 aamma Danmarks Radio Narsamut Nuummullu pisuni tusagassiortunik aallartitsipput. TV2-mi siuttoq Lotte Mejlhede takuneqarsinnaavoq, taanna nalinginnaasumik Bruxellesimi ilanngutassiortuuvoq, DR-illu nutaarsiassanik saqqummiisartoq siornatigullu USA-mi Londonimilu ilanngutassiortoq, Kim Bildsøe Lassen aallartippaa.

Aviisinillu tusagassiorfiit aamma aallartitaqarput, ilaatigut ukiorpassuarni Politikenimi tusagassiortoq, Jacob Svendsen. Weekendavisenip Martin Breum aallartippaa, kiisalu Kristeligt Dagbladip Lærke Fallesen Nuummut aallartippaa. Kisianni aamma allat nunatsinnit ilanngutassiorput.

Kingusissinnaavorlu

Taakkulu malinnaalluarput. Pissutissaqarluarlutik. Immaqa qinersinermi allannguuteqartoqassaaq. Inuit isumaannik misissuinerup tusagassiorfimmit Sermitsiaq.AG-mit HS Analysemillu suliarineqartup takutippaa, qinersisartut IA piukkunnerugaat aamma partiini annersanngorsinnaasoq. Taasineq kingulleq taasissutigineqangajalerpoq. Inernera kingusinnerusukkut aatsaat paasissavarput.

- Unnuk unnuarlu tamaat malinnaassaagut, Lotte Mejlhede TV2 Newsimi oqarpoq, taanna tusagassiortut allat peqatigalugit nunanit allanit tusagassiorfinnut immikkut KNR-imi inimi tusagassiortut katersuuffianiissinnaatitaavoq. Ingammik qinersinerup inernerata paasineqarnerata kingorna partiit siuttuisa oqallitsinneqarnissaanni.

Kingusissumilu naammasseratarsinnaapput. Pitsaanerpaassappat inernera nalunaaqutaq 01.00 paasineqarsinnaassaaq. Tassa danskit nalunaaqutaat malillugu nalunaaqutaq 05.00. Kisianni nutaarsiassaq utaqqisinneqanngisaannartussaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER