Timmisartuussinerit

Danskit timmisartortitseqatigiiffiata nakorsiat timmisartuuttassavai

Danskit timmisartortitseqatigiiffiat Sun-Air of Scandinavia pinartumik Nunatsinnit Danmarkimut nakorsiartunik timmisartuussisassaaq

Sun-Air of Scandinavia skal flyve akutte patienter fra Grønland til Danmark. Flyselskabets alle fly fremstår i British Airways-bemaling.

Air Greenland kisermaassilluni ambulancetut Danmarkimut timmisartuussisartuujunnaarpoq.

Tassami danskit timmisartortitseqatigiiffiat Sun-Air of Scandinaviap Nunatsinnit Danmarkimut pinartumik timmisartuussisarnissamut Air Greenland isumaqatigiissuteqarfigaa.

Isumaqatigiissut januaarip aallaqqaataani atulerpoq, check-in.dk allappoq.

- Isumaqatigiissut Air Greenland suleqatigalugu pilersineqarpoq, taanna Kalaallit Nunaanni peqqinnissaqarfimmut pingaarnertut isumaqatigiissuteqartuuvoq, tamannalu ukiumut 30-t missaannik Danmarkimut ambulancenik timmisartuussisarnermik imaqarpoq, check-in.dk ilisimatitsivoq.

- Kalaallit Nunaat nunaavoq immikkuullarissumik ambulancenik timmisartuussisarfik, silamut tunngatillugu, aamma mittarfiit ungasissorujussuunerat minnerunngitsumillu mittarfinni atukkat, tamanna misilittagaqarnissamik pisariaqartitsivoq, eqqortumillu piginnaasaqarluni suliaq kivinneqartussaalluni, taamatut tatigisaalluni suliaqartussatut nakorsianik soorlu meeqqat inorlutik inuusutut, kræftertut aamma ajoquserujussuarsimasunik timmisartuussisarnissamut toqqagaalluni annertuumik uagutsinnut tulluusimaarutiginnilersitsivoq, Sun-Air of Scandinaviami pisortaq, Kristoffer Sundberg, oqarpoq.

Powered by Labrador CMS