Danskit partiivi Pituffiup attartorneqarnerata akilersorneqarnissaa piumasariniarpaat
USA-p Pituffimmik atuineranut akiliisitsisalernissamut danskit partiivi piareersimapput, Altinget.dk taama allaaserisaqarpoq.
Amerikamiut umiarsuaatileqatigiiffiata Pituffimmut tassanngaanniillu angallassisarnissamut isumaqatigiissut 150 millionit koruunit sinnerlugit naleqartoq pissarsiarinerisa kingorna, danskit partiivi arlallit siunnersuuteqarput, sakkutooqarfiup atorneqarneranut Danmark akiliisitsisalissasoq.
USA-p sakkutooqarfimmik atuineranut toqqaannartumik akiliisitsisalernissaq isumaliutersuutigineqartariaqartoq, Enhedslistenimeersoq Christian Juhl isumaqarpoq. Attartornermut akiliutit Kalaallit Nunaannut iluaqutaatinneqassallutik.
Altinget.dk taama allaaserisaqarpoq.
Attartornermut akiliummik isumassarsiaq aamma danskimit ilisimasalimmit taperserneqarpoq.
- Kiffartuussinermut isumaqatigiissut atorlugu amerikamiut taarteqartarunnaarniarunik. taava imatut oqariartuuteqarnissaq pitsaassaaq: Tusaariaritsi, arlaatigut taarsiivigisariaqarpatsigut, lektori Jon Rahbek-Clemmensen, Forsvarsakademietimeersoq, Altinget.dk-mut taama oqarpoq.
Kisianni Dansk Folkepartimeersup Søren Espersenip isumassarsiaq tapersinngilaa.
- Oqartussaatilluta tamanna pinavianngilaq. Kalaallit Nunaata akerlianik nuannaarutigisariaqarpaa USA-mit akiligassiisoqannginnissaa, DF-ip Kalaallit Nunaat pillugu oqaaseqartartua taama oqarpoq.