Danskit niuertarfiutaata Optimera pigileraa
Nuummi sanaartornermi atortussanik niuertarfik Optimera aappaagumiit allatut ateqalissaaq
Davidsens Tømmerhandelip oktobarimi Optimeramik piginnilermigut Danmarkimi sanasutut ilinniarsimasut namminersortullu tamaasa sullisilissavai. Davidsen 2020-mi februaarip qaammataanit aallartittumik Kalaallit Nunaanni aamma sullissilissaaq, tassa Optimera Nuummi pisiniarfiusimasoq Davidseninngortinneqarpat.
Davidsens Tømmerhandel tusagassiorfinnut nalunaaruteqarnermini taamatut allappoq.
- Ukkatarisarput ukkatariugassarpullu tassaavoq, nioqqutissaatitta pissarsiariuminartuunissaat, sulisutta sullisserusussuseqarnissaat aamma ingerlasussanik piareersaasarnitta aqutsisarnittalu ajunngitsumik ingerlanneqartarnissaat. Tamakku malikkaagatsigit sullitatta ulluinnarni angusaqarluarnissaannut tapersiisarpugut. Taamaammat Nuummi Kalaallillu Nunaata sinnerani sullitariligassatta suleqatiginissaat qilanaarisupilussuuarput, Davidsens Tømmerhandelimi pisortaaneq Henrik Clausen tusagassiorfinnut nalunaaruteqarnermini oqarpoq.
Taamaalilluni Optimera februaarip qaammataaniit Davidsens Tømmerhanderlimik taaguuteqalissaaq.
Davidsenip maannakkorpiaq Optimerap Danmarkimi immikkoortortarisimasai allanngortiteruttulerpai. Januaarip naanerani Nuummi immikkoortortaqarfik Industrivejimiittoq Dvidsenikkunnik tiguneqarpat Kalaallit Nunaanni niuertarfik allanngortiterlugu aallartinneqassaaq. Optimerami Nuummiittumi sulisut tamarmik Davidseni tigusippat suliinnassapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...