aningaasaqarnermik aqutsineq
Danskit it-mik suliffeqarfiutaat Namminersorlutik Oqartussani sullissisussanngorpoq
Namminersorlutik Oqartussat kommunillu aningaasaqarnikkut aqutsiviini sullissisussarsiorneq danskit qarasaasialeriffiata ajugaassutigisimavaa
Kommunit Namminersorlutillu Oqartussani aningaasaqarnerat danskit suliffeqarfiannit EG-mit aqunneqalissaaq. KNR allappoq.
IT-mik suliffeqarfik EG Fynimeersoq Nunatsinni allaffeqarfimmik ammaangajalerpoq, tassanilu kalaallinik ilinniartunik aamma sulisoqarsinnaalissalluni.
'Suliassarput tassaavoq Namminersorlutik Oqartussani aningaasaqarnikkut aqutsinermi teknologiip iluani nutaaliornissaq', EG-mi pisortaq Leiff Vestergaard KNR-imut oqarpoq.
- Pissarsiarisinnaasagut misissussuagut. Nunaqavissunik sulisortaarusoqaagut. Aamma qallunaanik Kalaallit Nunaanni atorfinitsitserusoqaagut. Kisianni uatsinnut pingaarnerpaavoq pisariaqartitatsinnik piginnaaneqarnissaat. Tassunga atatillugu aamma pissarsisinnaanngikkutta nammineq piginnaaneqarnernik pilersitseqataarusuppugut.
Namminersorlutik Oqartussanik isumaqatigiissuteqarnissaat aasamut inissinneqassaaq.