Skip to main content

Danskit aviisiat aarlerisaarisoq: Kalaallit Nunaat Grækenlandisut ilisinnaavoq

- Kalaallit Nunaanni Naalakkersuisut aningaasaaterinngisaminnik atuiinnassappata nuna Grænkenlandisut ajornartorsiulersinnaavoq, Politiken allappoq

- Kalaallit Nunaata atugarissaarnermut siunissami aningaasanik suli atuisinnaassaguni, Kalaallit Nunaanni politikkikkut siammasissumik aaqqissuusseqqittariaqarpoq inuussutissarsiornerup tungaatigut. 

Dagbladet Politiken ataasinngormat allappoq. 

- Danmarkip tapiissutai  Namminersornerup isumaqatigiissutaanit 'parnaaqqatinneqarput'. Kalaallit Nunaata aningaasaqarnera ingerlanerlulissagaluarpat tamanut ajoqqutaaginnassaaq, imaassinnaavormi Kalaallit Nunaat aningaasanik amerlanerusunik piumasaqalersoq. Naalakkersuisunngoqqammertut amerlasuunik anguniagassaqarput. Sanaartornikkut anguniagassat arlaqarput. Kalaallit Nunaata aningaasat isumatusaartumik atunngippagit Grækenlanditut ajornartorsiuleriaannaavoq. Taamaattoqalissappat atugarissaarnikkut aningaasat atorneqartussat aningaasat atukkat atorneqassapput, taamaasilluni ineriartorneq siumut ingerlajunnaassalluni. 

Kalaallit Nunaata aningaasaqarnerata ilorraap tungaanut saatinneqassappat Naalakkersuisut siulittaasuata Kim Kielsenip siammasissumik aningaasaqarnerup pitsaanerulernissaa anguniarlugu sulissuteqartariaqartoq Politiken allappoq.

- Taamaasiornikkut inuussutissarsiutinik namminersorlutik ingerlataqartut pitsaanerusumik atugassaqartinneqalissapput. Kalaallit Nunaata tamanna atorfissaqartippaa. Tatiginartumik politikkikkut inissisimasoqalissappat siammasissumik suleqatigiittoqartariaqarpoq. Suliffeqarfinnut aamma Danmarkimut tamanna aamma atuuppoq, Politiken allappoq, nangillunilu:

- Kuannersuarni aatsitassarsiornerup Kalaallit Nunaata siunissaa pitsaanerulersinnavianngilaa. Kalaallit Nunaat pitsaanerusumik inissisimalernissaanut politikkerit innuttaasullu qitiulluinnarput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER