Danskit akunnittarfinni unnuisimasut amerlassusaannik qaffasitsitsisut
Nunanit allaneersut Kalaallit Nunaanni akunnittarfinni vandrehjemmeniluunniit unnuisimasut 2018-imut sanilliullugu 2019-imi 2,2 procentimik ikileriarsimasut, inuit Danmarkimi najugaqartut akunnittarfinni unnuisimasut amerleriartissimavaat
Takornariartitsinermik inuussutissarsiuteqartut qanittukkut paasivast, nunanit allaniit timmisartukkut ilaallutik Kalaallit Nunaannukartartut 2018-imiit 2019-imut amerleriarsimanngitsut. Taamaammat akunnittarfinni unnuisimasut qanoq amerlatiginersut kisitsisitaasa saqqummiunneqarnissaat pissangalluni utaqqineqarsimavoq, unnuisimasulli naalagaaffeqatigiit avataaninngaanneersut kisiisa samminiaraanni tamanna pakatsinarpoq.
Den nye hotel-statistik fra Grønlands Statistik viser, at der i 2019 var 104.785 overnattende gæster, der havde 265.844 overnatninger på de 49 hoteller, vandrerhjem og andre indkvarteringer i Grønland. Det er en fremgang på henholdsvis 3,4 procent og 2,5 procent sammenlignet med året før.
Danmarkimeersut unnuisimasut 2018-imiit 2019-imut 37,4 procentimik qaqutigoortumik amerleriangaatsiarsimapput, katillugit 28.178-it unnuisimagamik. Akerlianik kalaallit unnuisimasut 6,6 procentimik nunanillu allaneersut 2,2 procentimik ikileriarsimapput.
Nunap immikkoortuini unnuisimasut amerlassusaat aamma assigiinngitsupilussuupput, tassa kommunit ilaanni unnuisimasut amerleriarsimasut ilaanni ikileriarsimapput. Taamaalilluni Qeqqata Kommunia unnuisoqarnerpaasimalluni 10,4 procentimik siuariarsimavoq, Kommune Kujaller Kommuneqarfik Sermersoorlu 4,6 procentimik aamma 2,2 procentimik kinguariarsimallutik.
Kommunit annersaanni amerlanerusunik takornariaqalerusuttumi akunnittarfinni unnuisimasut ikileriarsimannginnerat, 2,0 procentimilli amerleriarsimanerat nuannaarutaagunarpoq. Ilulissaniinnaq akunnittarfinni unnuisimasut 8,0 procentimik amerleriarsimallutik.
Naatsorsueqqissaartarfimmit ilisimatitsissutigineqarpoq, nalunaarutit tamarmik suli tiguneqarsimanngimmat kisitsisit allanngorsinnaasut. Tassa kisitsisit saqqummiunneqartut utaqqiisaa saqqummiussaapput, nalunaarutillu amigaatigineqartut Naatsorsueqqissaartarfi mmit pissarsiarineqarpata allanngortinneqarsinnaallutik.