Danskinit ikiorneqarnissamut Martha Abelsen naaggaarpoq
Tasiilami isumaginninnikkut ajornartorsiutit aaqqiiviginiarlugit Danmarkimut ikioqqunissamut amerlanerussuteartoqarniarpasikkaluartoq, naalakkersuisup ikiortissarsiorniannginnini aalajangiusimaannarpaa. KNR taama allaaserisaqarpoq.
Peqqissutsimut isumaginninnermullu naalakkersuisup, Martha Abelsenip KNR-imut oqaatigaa, Danmarkimut ikioqqunnginnermi kiisalu taamatut pisoqassappat qanoq annertutigisumik ikiorneqarnissaq pillugu, Tasiilami ajornartorsiutit pillugit ilisimasanik amerlanerusunik pisariaqartitsilluni.
- Qanoq immikkut ikiorsiisoqarnissaa uagut aamma susassaqartuninngaanniit aallaaveqartumik, innuttaasut peqatigalugit, susassaqartut suleqatigalugit, avammut ikiorsiissutissanik annertunerusunik pisariaqartitsigutta anngutissaqqaarpagut, taanna KNR-imut taama oqarpoq.
DR-ip piviusulersaarusiaata 'Byen hvor børn forsvinder’, kinguaassiutitigut atornerluisarnerit aamma imminut toquttarnerit pillugit ajornartorsiummik oqallitsitseqqilerpoq.
Martha Abelsenip Tasiilami innuttaasut illoqarfik maajip 29-ani tikeraaruniuk nammineq oqaloqatiginiarpai.