Skip to main content

Dannebrog ullumi Nuummut tikippoq

Kunngikkut juulimi Nunatsinnut tikeraarnissaannut atatillugu Dannebrog ullumi nunatsinnut tikippoq

Nuummiut ullumi takusinnaavaat Dannebrog kangerlummut pulajartortoq.

Paasissutissiissutigineqanngilaq kunngikkut tikinnissaasa tungaanut kunngip umiarsuaa sulerissanersoq.

Naatsorsuutigineqarpoq kunngikkut Tunup avannaanut juulip 8-anni tkissasut, tassani Station Nord tikeraassallugu. Juulip 9-anni Illoqqortoormiuniissapput, juulip 10-anni Thule Air Base Savissivillu tikeraassavaat, juulillu 12-anni Upernavimmut tikissapput, tassani Dannebrogimut ikissallutik. Tassanngaanniit sakkutuut umiartortut umiarsuaannik, tusagassiortunik ilaasulimmik, ingiaqatigineqassaspput.

Tassanngaanniit angalaneq kunngip umiarsuaanik nanginneqassaaq, juulip 13-ianni Uummannap kangerluani Ukkusissanukassallutik, juulillu 14-ianni Qeqertarsuup Tunuata avannarpasinnerusuani Qullissiarlutillu Saqqaliassallutik. Juulip 15-ianni Ilulissaniissapput ullorlu taanna Qeqertarsuup Tunuata kujasinnerusortaanukassapput Qasigiannguit Kitsissuarsuillu tikeraarlugit. Juulip 17-ianni Sisimiunut pissapput. Juulip 19-ianni Kangaamiunut. Juulip 20-anni Maniitsusmut. Juulillu 21-anni 22-annilu Nuummiissapput, tassani aasaanerani Kalaallit Nunaanni angalanerat naassalluni.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER