Skip to main content

Danmarkip nunanut allanut unammisartuinut U16-inut kalaaleq aggersarneqartoq siulleq

15-inik ukiulik Asii Kleist Berthelsen arnani arsaattartuni nunanut allanut unammisartunut kalaallini siullersaalluni aggersarneqarpoq. TV2 Sport nittartakkamini taama allaaserisaqarpoq.

Asii Kleist Berthelsen Danmarkimi nunanut allanut unammisartut U16-t katersuunnissaannut aggersarneqarpoq.

TV2 nittartakkamini taama allaaserisaqarpoq.

Nunanut allanut unammisartut katersuunnissaannut silami arsaattartuni kalaallimik siullermeerluni aggersartittoqarpoq.

- Pikkorissusaa qaffasissorujussuummat periarfissinneqartariaqarpoq. Siullermik timikkut nukittuvoq. Sakkortoorujussuarmillu isimmissisarpoq. Teqeqqumi nalaasaarfik Rundetårn qulaallugu isimmissinnaavaa. Isertitsinissamullu piumassuseqartorujussuuvoq, U16-inut sungiusaasoq Frank Johnsen, kalaaleq pillugu TV2 Sportimut taama oqarpoq.

Asii Kleist Berthelsenip aggersarneqarnini tupaallaatiginngilaa.

- Naatsorsuutigikannereerpara, Asii Kleist Berthelsen, Nuummi ivigaasanik arsaaffimmi TV2 Sportip naapimmani taama oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER