piumasaqaatit

Danmarkip inuussutissarsiutinik siuarsaajumalluni aningaasaliinerusalernissaanik Siumut kissaateqartoq

Folketingimi ilaasortap Doris Jakobsenip aningaasaqarnermut ministeri Bjarne Corydoni ataatsimeeqatigileruniuk arlaqartunik oqaluuserisassaqarput

Doris Jakobsen, Siumut

Folketingimi ilaasortap Siumumeersup Doris Jakobsenip aningaasaqarnermut ministeri Bjarne Corydon sapaatit akunneri arlaqanngitsut qaangiuppata ataatsimeeqatigissavaa.

Doris Jakobsenip siunnersortaa Hans Jakob Helms nalunaaruteqarpoq.

Aningaasaqarnermut minister-ip Bjarne Corydon-ip ullumi Doris Jakobsen oktoberip qulingaanni Aningaasaqarneq pillugu ministereqarfimmi ataatsimeeqatigiumallugu nalunaarfigaa.

Ataatsimeeqateqarusulluni qaaqqusineranut peqqutaavoq Aningaasat pillugit Inatsisissap siullermeertumik oqaluuserineqarnerani Doris Jakobsen-ip apeqqutit assigiinnguitsut pillugit oqaaseqarnera.

Inuussutissarsiortut suleqataanissaat
- Doris Jakobsen-ip oqalugiarnermini Kalaallit Nunaanni eqqartuussiveqarnermi pissutsit Danmarkimisut inerisimatigisariaqartut pingaartillugu nalunaarutigaa. Kiisalu Kalaallit Nunaanni nammineq piumassuseqartut sillimaniarnermi suliaqarusuttunut ammanerunissaq ammaffigeqquvaa, saniatigullu danskit sillimaniarnermi periusaat annertusartariaqarnerarpai, Hans Jakob Helms allappoq.

Apeqqutit taakkua marluk kalaallit Folketingimi ilaasortaatitaasa isumaqatigiissutigaat.

Powered by Labrador CMS