Danmarkimik isumaqateqarneq pillugu Partii Naleraq akerliussutsimik takutitsissaaq
Lars Løkke Rasmussenip Kim Kielsenillu tusagassiortunik katersortitsineranni Partii Naleraq akerliussutsimik takutitsissaaq
Annonce
'Nunarput tununianngilarput' qulequtaralugu Partii Naleraq akerliussutsimik takutitsiniarpoq.
Tamanna Facebookimi takuneqarsinnaavoq.
Nalunaaqutaq 13 sioqqullugu Inatsisartoqarfimmiit (Partii Naleqqap allaffianiit) Hans Egede illuanut ingerlaaqatigiinneq pilersaarutaavoq.
Hans Egedep Illuani tusagassiortunik katersortitsisoqassaaq nalunaaqutaq 13.45. Tassani Lars Løkke Rasmussen aamma Kim Kielsen qaaqqusisuupput.
Danmarkip mittarfiliornissamut aningaasaliinera tassani saqqummiunneqassaaq.
Akerliussutsimik takutitsisoqarnissaa pillugu Partii Naleraq politiinut qinnuteqaateqarpoq, qinnuteqaatip akineqarnissaa utaqqimaarneqarluni.