Skip to main content

Danmarkimi sungiusaasoq: Futsalimi landsholdit periarfissagissaarput

Danmarkimi futsalimut sungiusaasut pitsaanersaasa ilaat, Tai Pundik, Kalaallit Nunaata Danmark ajugaaffigissappagu tupaallannavianngilaq

Tai Pundik København Futsalimut sungiusaasuuvoq, DBU-mi ilitsersuisuulluni aamma DBU-mi futsal gruppimiilluni. Futsal gruppip Danmarkimi futsalimi arsaannerup ineriartortinneranik suliaqarput.

Sapaatip-akunneri marluk qaangiuppata, Tai Pundik, qallunaani siullersaalluni futsalimi sungiusaasutut UEFA B-mik allagartartaassaaq.

Nuummeeqqammertoq
Septemberip qeqqani sapaatip-akunnera ataaseq, Tai Pundik Nuummeeqqammerpoq. Tassani Nuummi aamma sinerissami arsartartunut sungiusaasunut pikkorissaavoq. Sungiusaasut klubbiminni ilisimalikkatik ingerlateqqittussaassavaat.

Nuummiinnermini aamma meeqqat ilinniartitsinnissaanut piffissaqarsimavoq, illoqarfimmilu ilinniartitsisut futsal eqaarsaartitsinermi qanoq atorneqarsinnaanersoq takutillugu.

- Sapaatip-akunnera ulapiffioqaaq, Tai Pundik Sermitsiaq.AG-mut oqaluttuarpoq.

Atuaruk: Sangoriataarneq: KNR-ip futsalimi unamminerit takutilerpai

VM-imut anngutinngitsoortut
Qallunaat nunanut allanut unammisartui Israelimeeqqammerput, nunarsuarmi pissartanngorniunnissamut anngunniullutik. Anngunniunnerup tullianut Danmark ingerlaqqissagunik gruppimi ajugaasariaqarput.

Tamannali iluatsinngilaq. Tuluit ajugaapput Danmark tulliulluni. Israelimi anngunniunnermi peqataasimasut sisamat Nunatsinnut unammiartoqataassapput.

Ilippanartut
Tai Pundikip qularutiginngilaa sapaatip-akunnerata naanerani Nunatsinni Kalaallit Nunaat aamma Danmarkip unamminissaasa pissanganartuunissaat.

- Kalaallit Nunaat inuusuttunik pissanganartorujussuarnik landsholdeqarput. Arsartut arlaqartut Danmarkimi klubbini pitsaanerpaani arsartuusinnaagaluarput. Maannamut Danmarkimut sanilliullugit imminnut sungiusimanerupput. Naak eqqoriaaneq ulorianarsinnaagaluartoq, Kalaallit Nunaat ajugaappat tupaallaatiginavianngilara, Tai Pundik oqarpoq, nangillunilu:

- Maanna kalaallit taakku nunanut allanut unammisartuni ilaasut, ukioq ataaseq sukataaginnavillutik sungiusaraluarunik Danmarkimi pissartanngorsinnaanissaat ilimagisinnaavara. Kalaallit Nunaata nunat mikinerusut ilaat maanna ajugaaffigisinnaavaat, Tai Pundik naggasiivoq.

Atuaruk: Futsal-landsholdit siuttuusut

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER