Folketingimut qinersineq
Danmarkimi partiini siulittaasut dronningimut pulaassapput
Thorningip statsministeriujunnaarnini dronningimut nalunaarutigaa. Taamaammat politikkerit Amalienborgimukassapput
Kina Danmarkimi statsministerissatut innersuunneqarnersoq dronningimut nalunaarutigineqassaaq nalunaaqutaq 10.00, Danmarkimi nalunaaqutaq 14.00.
Helle Thorning-Schmidtip dronningimut statsministeriunnaarnini nalunaarutigereeraa, kunngikkut nalunaaruteqarput.
Folketingimi partiit innersuutaat dronningi marlunnik periarfissaqarpoq:
Amerlanerussuteqartut isumaqatiginninniarnissanut toqqaassaaq kina isumaqatiginninniartuussanersoq. Amerlanerussuteqartut naalakkersuisunngortitsissapput, imaluunniit naalakkersuisuulersussat amerlanerussuteqarnissaat qilarnaassavaa.
Iluatsinngippat dronningimukaqqittoqassaaq.
Kisianni pisarnertut iliuuseqarneruvoq.
Venstrep siulittaasua Lars Løkke Rasmussenip statsministerinngornissaa qularnaarneqarpoq, tassami partiit suleqatinilu amerlanerussuteqarput.
Talerperliuniat Folketingimi 90-nik ilaasortaqalerput, tamannalu naalakkersuisunngortitsinissamut naammappoq.
Helle Thorning-Schmidtip dronningimut nalunaaruteqariartornera inunnit malinnaaffigineqarpoq.
Helle Thorning-Schmidtip Amalienborgimiinnera sivikitsuararsuuvoq, Amalienborgimiinnerami minutsini qulini sivisussuseqarpoq.