Danmarkimi katsorsagassanngorlugu pineqaatissinneqartoq: Illooqqani savilersorfigigaa
Angutip Nuummiup 32-nik ukiullip illooqqaminut toqutseriarsimasutut eqqartuunneqarnini nappaatillit napparsimmavianni Danmarkimi tarnikkut killilingaanngitsumik katsorsarneqartussanngortinneqarnini ingerlaannaq suliareqqitassanngortippaa.

- Qulingiluat missaani iterpunga. Pisiffimmut immiaararsiniarpunga. Imilerpunga nipilersuummillu appisimaarlunga.
Angutip qernertunik atisallip 32-nik ukiullip maajip qaammataani ataasinngornermi siorna pisoq nipikitsumik oqaluttuaralugu taama aallartippoq. Ullormi tassani illooqqani savilersorfigisimanera unnerluunneqassutigaa eqqartuussaaneranillu kinguneqarluni.
Aviisi AG taama allappoq.
Angut pisuunnginnerarpoq iperagaanissanilu piumasaralugu.
Taassuma illooraa ukiumi tassani eqqartuunneqartut inaanut Nuummi Qapiarfiusaamiittumut nuussimavoq, taakkulu oqaluttuarneri aallaavigalugit marluullutik isumaqatigiippallaartarsimanngillat.
Angutip illooraata ullormi pineqartumi ataasinngornermi maajip qaammataani misigisani oqaluttuarissallugit ilisimannittut uppernarsaaniarlutik issiavigisartagaanut ingimmat imminnut isitik toqqarlugit isigisinnaanngillat.
- Issiavoq imerluni pisarnermisullu imminut oqaluuttorujussuulluni. Taava aappara pillugu oqaaseqarpoq nuannarinngisannik. Kamaammerpunga issiavimmiillu ajallugu nakkarteriarlugu oqarlunga: Ingerlaniarta, illooraa inuusunnerusoq nassuiaavoq.
Taanna aappanilu, piffissami tassani naartusoq, sinittarfiliarput atisalersoriartorlutik, tassanilu tusaavaat iggavimmi perpaluk. Kingusiinnaa 32-nik ukiulik igaffimmiit iserpoq savinnik marlunnik nassarluni illooqqanilu saassullugu.
Aviiisimi AG-mi atuarnerusinnaavutit. Aviisi uani pissarsiariuk: