Danmarkimi inissinneqartoq
Aviaaja Ellen Andersen aqqaneq marlunnik ukioqarluni Danmarkimi meeqqat angerlarsimaffianut inissinneqarami assorsuaq kiserliorpoq. Allaaneruvoq kulturia aammaoqaasii paasineqanngillat. Ullumikkut meeqqaat kalaallit Danmarkimi angajoqqaaminnit qimagutsinneqartartut assut misigeqatigai.
Misissueqqissaartarfik VIVE maajimi 2022-mi meeqqat kalaallit Danmarkimi inissinneqarsimasut pillugit nalunaarusiartik Folketingimi ilaasortanut tunniuppaat. Taamaalinerani Aviaaja Ellen Andersen Christiansborgip saavani akerliussutsimik takutitsivoq pingasunik bamsiuserluni aamma allagartalisarluni, tassani allassimavoq. »Lad børnene komme hjem til mor og far – meeqqat anaanaanut aamma ataataannut angerlartissigit«.
Aviisi Sermitsiaq taamatut allappoq.
Kalaallisut oqaloqqusaanngilaq
Aviaaja Ellen Andersen Narsami inunngorpoq inuunermini ukiut siulliit arfineq pingasut tamaani najugaqarluni. Kisianni ullut ilaanni nakorsaq danskeq Kaspar Rübner Petersen tikippoq Aviaajallu arnaa Dorthie killippa. Katipput kinguninnguatigullu ilaqutariit Danmarkimut nuupput.
– Frederiksbergimi ineqalerpugut aqqaneq marlunnik ukioqarluni aqqaluartaarpunga. Kisianni angajoqqaat sapaatit akunnerisa naaneranni aalakoornartulinnikimertarnertik aqussinnaasanngilaat. Akutunngitsumik ikinngutikka niviarsiaqqat tukkuffigisarpakka kisianni ullut ilaannit kommunimeersumik ataatsimiittoqarpoq, taakkua inassutigaat angajoqqaama qitornatik tigummiinnassagunikkit aalakoornartulinnik immertarnerminnut katsorsartinnissaat. Anaanama katsorsartinnissaq qujaruppaa kisianni ataataga perusunngilaq. Naggataatigut angajoqqaakka avipput anaanaga imigassamik atornerluinerminut
kisimiilluni akiuuppoq. Taamaannerani uanga aqqaluaralu Kim Inuk meeqqat Frederiksbergimi angerlarsimaffianiippugut.
Oqaluttuaq tamaat aviisimi Sermitsiami, sapaatip-akunnerani matumani saqqummersumi atuaruk, ugguuna iserfigisinnaavat.