københavn
Danmarkimi ilinniartut oqallittarfimmik pilersitseqqammersut oqallinnissamut qaaqqusisut
Oqallittarfiup 'Isuma - Tværfagligt Studenterforum om Arktis'-ip pilersinneqarneranut atatillugu Københavnimi Kalaallit Illuutaanni oqallinnissamut qaaqqusipput
Annonse
Københavnip Universitetiani ilinniartut Issittumut tunngatillugu soqutigisaqartut ataatsimoornerulernissaat anguniarpaat. Tassani Kalaallit Nunaat qitiutinneqarpoq, oqallittarfiullu neriuutigaa suleqatigiinneq pitsaanerulissasoq ilisimatusarnikkut, suliffissatigut allatigullu.
Taamaattumik 'Isuma - Tværfagligt Studenterforum om Arktis' arfininngornermi marsip 14-ani pilersinneqarpoq.
Ilinniartut oqallittarfittaavat taamaattumik oqallinnissamik qaaqqusivoq, Isuma tusagassiutinut nalunaaruteqarpoq.
Ilinniartut arlaqartut saqqummiissapput. Eskimologitut atuartoq Ortu Mørch Olsen inaarutaasumik suliani pillugu ilaatigut saqqummiussissaaq.
Oqallinneq Københavnimi Kalaallit Illuutaanni ingerlanneqassaaq sisamanngorpat.