Danmarkimi ilinniariarluni angerlarsimasoq: - Kommunip periusissiaa pingaarutilipilussuuvoq

Magnus Biilmann Trolle Nuummi najugaqarlunilu suliffeqarpoq.

Københavnimiittumi Copenhagen Business Schoolimi ilinniarsimavvoq. Siullermik business administration and service managementimi bacherloritut ilinniagaqarsimavoq, tamatumalu kingornatigut management of creative business processesimi kandidatinngorsimalluni. Ilinniakkani 2020-mi naammassivaa.

- Ajunngivissumik inuuneqarsimavuna, Magnus Biilmann Trolle Københavnimi nammineq ineqarlunilu ilisarisimasarpassuaqarsimavoq.

Magnus Biilmann Trolle Kalaallit Nunaannut uternissamik pilersaaruteqarsimanngikkaluarpoq. Pingaartumik aallaqqaataani, Nuummili aasaanerani suliffeqarnerata isumaa allanngortissimavaa.

Kommuneqarfik Sermersuumi aasaanerani sulisimasoq

Kommuneqarfik Sermersooq kalaallit nunani allani ilinniagaqartut ilinniakkaminnik naammassinnikkaagata nunaminnut uterlutik sulisalernissaannik anguniagaqarluni 2015-imili periusissiaqarsimavoq. Periusissiami kalaallit Danmarkimi ilinniagaqartut aasaanerani atuanngiffimmi suliffeqartinniarlugit siumut utimullu akeqanngitsumik angalatinneqartarsimapput.

I 2019 faldt Magnus Biilmann Trollep 2019-imi tamanna Facebookikkut takusimavaa. Facebookikkut kommunip neqeroorutaa atuarsimavaa. Akeqanngitsumik angalatitsiniarnerat "nuannerluinnartoq" eqqaamanerarpaa. Bacheloritut kandidatitullu ilinniarnermi akornanni - aasaanerani - Sermersooq Businessimi suliniarluni Nuummukarsimavoq.

- Akisussaaffippassuarnik tunineqapallappunga. Takornariartitsisarnerup inerisarneqarnissaanut siunnersuusiortussanngorlunga suliakkinneqarpunga. Aasaanerani sulinerma nalaani isumaqatigiissutigaarput immikkut ittumik suleqatigiiffiusussamik suliaqassasunga.

Magnus Billman Trolle tamatuma kingorna Københavnimut utersimavoq. Sermersooq Businessimi sulinermini takornarialerinermik suliaqartarneq soqutigilersimavaa, taamaammallu Nuummi takornariartitsisarnerup attanneqarsinnaasumik ineriartortinneqarneranut atatillugu kommunimik suleqateqalersimalluni.

Aaqqissuussaq akikittoq

Kommuneqarfik Sermersuumit ilisimatitsissutigineqarpoq, kommuni 2017-imili aasaanerani 14-inik sulisoqartarsimasoq. Taakkunannga qulit Kalaallit Nunaanni ullumikkut suliffeqarput - taakkunannghalu sisamat ilinniareernermi kingunitsiannguatigut kommunimi sulilersimallutik. Marluk ilinniakkaminnik suli ingerlatsipput, marlullu Danmarkimi suliffeqarlutik.

Tassa aasaanerani sulisimasut 83 procentii ilinniakkaminnik naammassinnikkamik Kalaallit Nunaannut utersimapput. Kommunimit ilanngullugu ilisimatitsissutigineqarpoq, aaqqissuussaq akikittuusoq, aasaaneranimi suliffeqartitsinermi aningaasarsianut aningaasartuutit suliassanik suliarineqartussanik naammassinninnermut atorneqarsimammata.

Naatsorsueqqissaartarfiup kisitsisaataasa takutissimavaat, kalaallit Danmarkimi nunanilu allani ilinniagaqartut affaasa missaanniittut ilinniakkaminnik naammassinnikkaagamik Kalaallit Nunaannut uteqqittartut. Kommuneqarfik Sermersuuit kaammattuutigineqarpoq, sulisitsisut amerlanerusut taamatut assingusumik aaqqissuussisariaqaraluartut.

Aasaanrani sulisussamik atorfinitsitsisimasoq

Magnus Billman Trolle ilinniarnerminut atatillugu immikkut allaaserisimasaminik suli tunniussinaniluunniit Sermersooq Businessip Nuummi immikkoortortaani Visit Nuummi ulloq naallugu suliffeqalernissamut neqeroorfigineqarsimavoq. Neqeroorut qujarussimavaa. Ullumikkullu pingaartumik Nuummi takornariartitsisarnermik digitalikkut ineriartortitsinermik suliaqartuulluni, Magnus Biilmann Trollelli aamma Tunu Paamiulu ukkatarivai.

- Isumaqarpunga kommunip periusissiaa pingaarutilipilussuusoq, tassa inuit suliffissamut naleqquttut pissarsiarisinnaagaanni. Periusissiarmi aqqutigalugu eqqortumik suliffeqarnerup qanoq ittuunera paasisaqarfigineqarsinnaammat - uangalu akisussaaffispassuarnik tunineqarsimavunga. Akeqanngitsumik timmisartortitaaneq soorunami aamma kajumissuseqalersitsisimavoq.

Magnus Billman Trolle aasaq manna 'aasaanerani sulisussamik' atorfinitsitsisimavoq. Nuummilu takornarialerisut nittartagaat nutaaq Visitnuuk.com suliaralugu naammasseqqammersimavaa.

- Ineternetsilerillaqqillunilu tuluttoorluarsinnaasumik pisariaqartitsisimavunga. Københavnimi issittumut atatillugu ilinniagaqartumik nassaarpugut, taassumalu ornilluta ikiorsimavaanga, taanna oqarpoq:

- Ajunngilluinnartumik inerneqarpoq, pisariaqartitannut iluaqutaavissorpoq.