KL

DK

Danmarkimi aalakoornartumik atueriaatsip ilinniartut qimarratsikkai

Kalaallit inuusuttorpassuit Danmarkimi ilinniarnertik aalakoornartupataatsimooriaatsitut atugaanera pissutigalugu unitsiinnartarpaat.Kalaallit tallimaagaangata ataaseq imigassartunngisaannarpoq, KalaallitNunaannilu innuttaasumut ataatsimut agguaqatigiissillugu imigassamikatuineq Danmarkimut sanilliullugu annikinnerusoq, ilisimatusartoqerseqqissaavoq.

Qallunaat inuusuttut aalakooraangamik eqimattakkuutaartarput, taakkulu imigassaqataatsimoortarnerminni qitiutittarpaat. Uani takusinnaavavut Aarhusimi universitetip eqqaaniilinniartut assigiinngitsunik unammisaqattaartut.
Aaqqissuisoqarfik

– Danmarkimi ilinniartut akornanniinniarneq ajornakusoortinnqartoq ilinniartunit arlalinnit
tusartarparput. Ilinniarnerup aallartinnerani qallunaat inuusuttut akornanni imigassamik atuineq annertusarpoq, aalakooqataanianngikkaannilu ilinniartoqatinut akulerunniapiloortoqalersarpoq. Ilinniartut ilinniarnerup aallartinnerani sammisassaqartitsinerni qallunaat akornanni ataatsimooqatigiinnermi tallimanngornikkut imerniartarfeqarnerit assigisaannillu aaqqissuinerit imigassamik atuinermik qitiutitsisuusut amerlasuut misigisarpaat. Ilinniartoqatinut akuliunnaveernerit pissutaallutik ilinniartorpassuit uniinnartartut takusarpavut, Tanja Nielsen oqarpoq. Taanna Kalaallit Illuutaanni Aarhusimi pisortaavoq

Imigassat pillugit paasissutissat

Imigassamik eqqussuineq ukiuni 30-ni kingullerni 32 procentinik apparsimavoq, Danmarkimullu sanilliullugu maanna annikinnerulluni. 2021-mi imigassamik eqqussuineq tunisassiornerlu katillugit 388.000 literinik annertussuseqarpoq, tamannalu 1992-imut sanilliullugu 183.000 literinik appariarneruvoq. Danmarkimi imigassamik eqqussuineq annertusiartuinnarpoq 2021-milu 48.935.000 literinik annertussuseqarluni.
Kalaallit Nunaanni imigassamik eqqussuinerup taamaaqatigaa innuttaasumit ataatsimit
aalakoornartup 6,9 literip ukiumut imerneqartarnera, Danmarkimi innuttaasumut ataatsimut
ukiumut 8,4 literiusoq.

Najoqqutat: Danmarks Statistik, Naatsorsueqqissaartarfik.

- Kalaallit inuusuttut ilaat Danmarkimut ilinniariarlutik aallartartut allatut aalakooriaaseqarput
imigassartortarnerallu qallunaajaqqanut sanilliullugu annikinnerulluni. Tamannalu
ingasappallaarineqarsinnaasarpoq. Qallunaajaqqat perorsarsimarpalaanngitsutut, ilisimasakitsutut kalaallillu pillugit isummannik pigiliutiinnakkanik isiginnittariaaseqartut misigineqartarput. Kalaallinut inuusuttunut taamaattoqarnera nuanniilliortitsisarpoq ilinniarnermillu unitsitsiinnarnermik ilaatigut kinguneqartarluni, Tanja Nielsen oqarpoq. Taassuma Inuit pisinnaatitaaffii pillugit Institutti ilinniartullu peqatigiiffiat Avalak suleqatigalugit ilinniartut Danmarkimi qanoq atugaqarnerat misissueqataaffiginiarpaa.

Imigassartornaveersaariaaseq atugaangaatsiartoq

Kalaallit Nunaanni imigassamik atuineq Danmarkimut sanilliullugu annikinnerusoq Statens Institut for Folkesundhedimi, Syddansk Universitetimiittumi, professorip Christina Viskum Lytken Larsenip uppernarsarpaa. Imeriaaserlu aamma allaanerunersoq oqarpoq.

– Innuttaasut 20 procentiiimigassartunngisaannarput, imigassamillu atuineq 1990-ikkut aallartilaarneraniilli annikilliartuinnavissimalluni.

Ajornartorsiut pillugu aviisimi Sermitsiami sapaatip-akunnerani matumani saqqummersumi paasisaqarnerugit. Ugguuna iserfigisinnaavat:

inuiagatigiit nunanit allanit ilinniartitaaneq
Powered by Labrador CMS