Danmark nunarsuarmi annersaat tallimaannik niuffagiuteqarpoq
Taamaallaat Grækenland, Singapore, Kina aamma Japan maanna naalagaaffinni imarsiortuni taamaallaat annerupput.
Danmarkip niuffagiutai maanna nunarsuarmi annersat tallimarilerpaat.
Danske Rederier tusagassiuutinut nalunaaummi taama allappoq.
IHS Seawebip naatsorsuineranit nutaami Danmark inissisimaffimmik ataatsimik nikippoq, nunarsuarmilu imarsiortut annersaattut allattorsimaffimmi USA qaangerpaa.
Grækenland allattorsimaffimmi annersaavoq, Singaporem Kina aamma Japan tulleralugit.
Danmarkip siuariarnera Danske Rederierimi pisortap, Anne H. Steffensenip oqarnera naapertorlugu, danskit imarsiornermi ukiuni kingullerni ingerlanerat iluatsissimavoq.
Umiarsuit CO2-mik mingutsitsivallaanngitsut
Ukiut tulliuttut siuariartornissamut aalajangiisuussasut, taassuma nalilerpaa.
- Ukiut 5-10 tulliuttut umiarsuit CO2-mik mingutsitsivallaanngitsut atulernissaat siuariarnissamut aalajangiisuulluinnassapput, taakkulu imarsiornermi siuariartornermut piumasaqaataassapput.
Danskit umiarsuaatileqatigiiffii ukioq kingulleq 188 milliardit koruuninut avammut tunisipput, imarsiornerlu taamaalilluni Danmarkip avammut tunisinerani inuussutissarsiutini annersaalluni.