Skip to main content

Danmark kalaallinut eqqaaviussanngilaq

Peqatigiiffik Naalagaaffeqatigiiffiup ataatsimoorussamik politikkikkut iliuuseqartoqarnissaa kissaatigaa, isummat pigiliutuunnakka kalaallinut imerajuttunut tunngasut unissappata

Qallunaat Nunaanni isummat pigiliutiinnakkat kalaallinut tunngasut suli tusarsaapput, tamannalu Peqatigiiffik Naalagaaffeqatigiiffiup allanngortikkumallugu ataatsimoorussamik iliuuseqartoqarnissaa kissaatigaa. 

Isummat pigiliutiinnakkat imerajuttuunermut tunngasut allanngornissaat siunertaavoq. 

- Oqarsinnaasariaqarpugut kalaallit atugarliortut Qallunaat Nunaannut igiinnartassannginnatsigit. Danmarki tassaassaaq kalaallinik piumassuseqarlutik nuuttartunik tikilluaqqusisartoq, Peqatigiiffik Naalagaaffeqatigiiffiup siulittaasua, Nauja Lynge, DR Nordjyllandimut taama oqarpoq.

Atuaruk: Kielsenip oqaasii Peqatigiiffik Naalagaaffeqatigiiffimmit nersualaarneqarput

Atuaruk: Peqatigiiffik Naalagaaffeqatigiiffik: Inuiaqatigiit ineriartortinneqassapput

Politikkikkut iliuuseqarnissaq pingaartinneqartariaqarpoq 
- Amerlasuut kalaallit imerajuttuuneranik isumaq pigiliutiinnagaq 70-ikkunneersoq suli pigivaat, taamalu isumaqartut suli amerliartorput, Nauja Lynge oqarpoq. 

Taassuma erseqqissarpaa kalaalerpassuit Danmarkiliartartut tikinnerminni ajornartorsiutitik nassartaraat, tamannalu ajoraluartumik qallunaat isumaannut pigiliutiinnakkamut uppernarsaasuusarpoq. 

Peqatigiiffik Naalagaaffeqatigiiffik isumaqarpoq tamanna allanngussappat politikkikkut iliuuseqartoqarnissaa pisariaqartoq.

- Pingaarnertut inissittariaqarpoq, kalaallillu utaqqisuni siullinngortillugit. Tassami taakku unittooqqanikuupput puigugaaqqallutillu, Nauja Lynge DR Nordjyllandimut naggasiivoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER