Skip to main content

Danmark eqqartuussassanngorniarlugu Vittup sioorasaarpaa

Amerikamiut Nunatsinniinnerannut 'annertuumik taarsiisoqarnissaa' Partii Nunatta Qitornaata kissaatigaa

Partii Nunatta Qitornai qinersinerup kingorna Naalakkersuisut politikkiannut sunniuteqassagunik, Danmarkimut aamma USA-mut oqariartuutit sukannernerulissapput. 

- Uagut aalajangiisuussagutta Danskit naalagaaffiat eqqartuussisoqarnissaanik naatsorsuuteqartariaqarpoq, partiimik pilersitsisoq Vittus Qujaukitsoq Sermitsiaq.AG-mut oqarpoq.

Eqqakkanik igitsinermut taarsiineq
Amerikamiut sakkutooqarfigisimasaannik aamma atortut eqqakkat, nunanut allanut naalakkersuisuusimasup eqqartuussivikkoortitsinissamut oqariartuuteqarneranut tunuliaqutaapput.

- USA-p Nunatsinni eqqakkanik eqqaanissaanut naalagaaffiup akuerisimavaa. Torersaassisoqarnissaa aamma aningaasatigut annikinngitsumik taarsiisoqarnissaa naatsorsuutigaarput, Vittus Qujaukitsoq oqarpoq.

LÆS OGSÅ: Vittus: - Atsiornerit piareerumaarpagut

 

Naalagaaffeqatigiit siorna ataatsimiinnerannut atatillugu Danmarkip amerikamiut sakkutooqarfigisimasaannik torersaasoqarnissaanut 150 millionit koruunit immikkoortinniarlugit neriorsuutigaa. Januaarimi aningaasat 180 millionit koruuninut qaffanneqarput. Kisianni tamanna naammanngitsoq Vittus Qujaukitsoq isumaqarpoq.

Pittuffiup atorneranut akiliut
Tamatuma saniatigut amerikamiut Pituffimmiinnerminnerat politikkikkut oqaluuserisassani salliutinneqassaaq.

- Pituffik pillugu apeqqummi aaqqiissutissaq nassaarineqartariaqarpoq. USA Nunatsinni sakkutooqarfeqarnerminut attartornermut akiliisariaqarpoq, taanna oqarpoq.

Tamatuminngalu amerikamiut isumaqataatinnissaat ajornakusoorsinnaavoq, nunani allani sakkutooqarfimminnut qaqutiguuissumik atuinermut akiliuteqartarnertik pissutigalugu. Kisianni Vittus Qujaukitsoq aalajaappoq.

- USA Nunatsinni sakkutooqarfeqassaguni, piumasaqaatigut naammassisariaqarpaat. Danmarkillu Naalagaaffeqatigiinnermut peqataatikkusukkunitigut aamma arlalinnik piumasaqaateqarpugut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER