Skip to main content

Danielsen: Pelep inerniliussaa kukkuvoq

Mittarfinnut suliniutit inuiaqatigiit aningaasaqarnerannut iluaqutissartaqannginnerarlugit Pele Brobergip oqarnermini paasinerluerujussuartoq, attaveqaqatigiinnermut naalakkersuisoq, Karl Frederik Danielsen, isumaqarpoq.

Mittarfiliortiternissamut suliniutip inuiaqatigiit aningaasaqarnerannut ataavartitsinissaanut Pele Borbergip qularuteqarnini, uani Sermitsiaq.AG-mi sapaatip-akunnerata siualiani saqqummiuppaa.

Kisianni Partii Naleqqami naalakkersuinermik suliaqartup naatsorsuinermini kukkorujussuarpoq, naalakkersuisoq akisussaasoq, Karl Frederik Danielsen (S) taama akissuteqarpoq.

- Aallarniutigalugu oqaatigissavara, taamatut oqarneq soorunami ilumuunngimmat. Pele Broberg allaaserisami oqarpoq, mittarfiliortiternerni inuiaqatigiit aningaasaqarnerannut iluanaarutissat uppernarsarneqarsinnaanngitsut, taanna tusagassiuutinut nalunaarummi oqarpoq.

- Qaqortumi, Nuummi Ilulissanilu mittarfinnut nutaanut aningaasaliinngikkutta, maanna ilulisiligaanermut aningaasaliisariaqartussaavugut. Maannakkut ilusiligaaneq naapertuutinngilaq, aammalu Inatsisartut tamatuminnga allannguiniarlutik aalajangiisimapput.

- Mittarfiit nutaat sananeqarnerisigut maanna angallasseriaatsimi, ilaasut amerlanerusunik akunniffigisartagaanni assartuussineq pitsaanerulertussaasoq uppernarsarneqarsimavoq.

- Kangerlussuaq pillugu aalajangertoqanngitsoq

Kangerlussuup attatiinnarneqarnissaanik kissaateqarneq, Pele Brobergip (PN) oqarnera naapertorlugu, inuiaqatigiit aningaasaqarnerannut amigartoortitsilissaaq. Kisianni Kangerlussuup siunissaa sulia aalajangiiffigineqanngitsoq, Karl Frederik Danielsen (S) oqarpoq.

- Pele Broberg Kangerlussuup ullumikkutut 2810 meterimik mittarfeqarluni maanna ingerlanneqarnissaanut tunngavilersuuteqarpoq. Taanna mittarfiliortiternerni aningaasaqarnermik qaangiinermut aamma missingersuusiortarnermut inatsimmik unioqqutitsinermut peqqutaasutut oqaatigineqarpoq.

- Tamanna ilumuunngilaq.

- Kangerlussuup siunissami ingerlanneqarnissaata ilusissaa pillugu suli inaarutaasumik aalajangiisoqanngilaq. Naalakkersuisut illersornissaqarfiup Kangerlussuarmiinnissamik kissaateqarnerat tunngavigalugu oqaloqatiginninnernik aallartitsisimapput. Taamatuttaaq suleqatigiissitamik, ilaatigut Qeqqata Kommunianit peqataaffigineqartumik pilersitsisoqarsimavoq.

- Naalakkersuisut Kangerlussuup siunissami ingerlanneqarnissaata ilusissaanut siunnersuummik aalajangersimasumik saqqummiussinnginnerminni suleqatigiissitap sulinerata inernissaata utaqqineqarnissaa kissaatigaat.

Mittarfimmut 2.800 meterumut naatsorsuisoqanngilaq

Attaveqaqatigiinnermut naalakkersuisoq taamaalilluni Kangerlussuup siunissaa pillugu mittarfiliortiternissanik suliniutip inuiaqatigiinni aningaasaqarnermut piujuartitsinnaaneranut apeqqummut qisuariaateqarnissani avaqquppaa. Mittarfiit nutaat pingasut sanaartornissaannut aalajangernermut naatsorsuutit tunuliaqutaasut takutippaat, Kangerlussuarmi mittarfiup qulimiguulinnut mittarfinngortinneqassappat, ukiuni 25-ni inuiaqatigiit aningaasaqarneranni 619 millionit koruuninik iluanaaruteqartoqassasoq. Taarsiullugu mittarfik 1.500 meteriutinneqassappat, iluanaarutit 98 millionit koruuninut appariassapput. Kisianni mittarfeqarnerup aaqqissuussaanera allanngortinneqanngippat, ukiuni 25-ni inuiaqatigiit 1.085 millionit koruuninik annaassaqarfiunissaa tamatuma saniatigut naatsorsuutit takutippaat.

Taamaattumik piffissami matumani annaasaqaataassanersoq annaasaqaataassannginnersorluunniit qularnaatsumik oqaatigineqarsinnaanngilaq. Mittarfiit pilersaarut tunngaviusoq malillugu aningaasaliiffigineqassappata, siunissaq ungasinnerusoq eqqarsaatigalugu inuiaqatigiit aningaasaqarnerannut iluanaaruteqarfiunissaa, missingersuutinut inatsimmi oqaatigineqarpoq.

- Taama ersernerlutsigisunik tunngaveqarluni Naalakkersuisut Inatsisartullu inatsimmik unioqqutitsinerarneqarnerat pisuutitsineruvoq annertooq, nunatsinni innuttaasunut pisariaqanngitsumik nalornilersitsisoq toqqissisimajunnaarsitsisorlu.

- Pele Brobergip tunngavilersuinermini suliat akunnerini naatsorsukkat pingaarutillit arlallit qaangiinnarpai, ajoraluartumillu inerniliissut kukkusoq killiffigalugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER