Skip to main content

Danielsen apeqqarissaarnissamut taamaatiinnarneqartoq

Pingasunngormat Inatsisartuni pilersaarutit malillugit Naalakkersuisut Siulittaasuat Kim Kielsen apeqqarissaarfigineqartussaagaluarpoq. Naalakkersuisulli siulittaasut pisinnaajunnaariasaarluni nalunaaruteqarsimavoq, paarlaallugulu Karl Frederik Danielsen apeqqarissaarfigineqartussanngortinneqaraluarpoq, Inatsisartulli Siulittaasoqarfianit tamanna itigartitsissutigineqarsimavoq.

Apeqqarissaartoqarnerani Naalakkersuisunut ilaasortaq inersuarmit apeqqutigineqartunut akissuteqartarpoq. Naalakkersuisoq pineqartoq apeqqutigineqartunut akissutissaqanngikkaangat, kingusinnerusukkut allakkatigut akissuteqarnissaq innersuussutigineqartarpoq.

Inatsisartut Siulittaasoqarfianit upernaaq manna ataatsimiinnissap sivikitsumik ingerlanneqartussaanera aamma apeqqarissaarnissanik allanik oqaluuserisassanut ilanngussisoqarsimannginnera pissutigalugit kissaatigineqarsimavoq, inersuarmi Naalakkersuisut Siulittaasuat kisimi apeqqarissaarfigineqassasoq.

Ullormili pilersaarutaasutut apeqqarissaarfiusussami siulittaasoq apeqqarissaarfigineqarnnissamit tunuarteriasaarpoq, taarsiullugulu Attaveqaqatigiinnermut Naalakkersuisoq Karl Frederik Danielsen apeqqarissaarfigineqartussanngortinneqaraluarpoq.

Taamatulli pisoqanngilaq. Sermitsiaq.AG-p paasissutissaatai naapertorlugit, Siulittaasoqarfiup sinniisussatut toqqagaq itigartissimavaa, apeqqarissaarnissarlu taamaatiinnarlugu.

Apeqqarissaartarneq oqaloqatigiilersitsisartoq

Partiinit arlalinnit oqaatigineqarpoq, apeqqarissaartarneq Naalakkersuisut suliatik pillugit oqasseqartinneqartarnissaannut qitiulluinnartoq.

Naalakkersuisunik toqqaannartumik oqaloqateqarnissamut periarfissiisarpoq, tassani suliat paasisimasallu assigiinngitsut apeqqutigineqarsinnaasarput.

- Apeqqarissaarnermi allaffissornikkut uivertitsinngikkaluarluni akissutissarsisoqartarpoq . tamanna inuiaqatigiinnut aamma ammaasarpoq, Múte B. Egede (IA) oqarpoq.

- Apeqqarissaarnissap taamaatiinnarneqarsimanera paasisinnaanngilara. Taamatut pisoqaqqinnginnissaa Naalakkersuisunut kaammattuutigerusupara. Apeqqarissaarnissap taamaatiinnarneqarneranut nassuiaasoqartariaqarpoq, IA-mi siulittaasoq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER