sumiginnaaneq
Daniel pillugu suliami akiliisitsineq
32-inik ukiulik Daniel, Københavnimi aqqusinermi toqusoq pillugu suliami upalungaarsimanermik suliaqartut akiliisinneqartussanngorput
Ukiut marluk matuma siorna Daniel 32-nik ukioqartoq Amagerbro Torvimi toquvoq. Taanna aqqusinermi ilisimajunnaaqqavoq, sanioqquasullu ikiortissamik aggertitsiniarsarigaluarput. Aatsaat minutsit 45-t qaangiutereersut ikiortissamik takkuttoqarpoq, tassanili kingusinaareerput. Daniel toquvoq.
Suliamik sumiginnaalluinnarneq
Upalungaarsimanermik suliaqartut marluk maanna tamarmik immikkut 5.000 koruuninik akiligassinneqarput. Aviisi Politiken taama allappoq. Akiligassiineq 'sulinerminni ikiuigasuarnissaminnut sumiginnaalluinnarsimasutut' pineqaatissiissutaavoq, tassani arfinileriarluni 112-mut sianertoqarnerani ikiortissamik aggertitsisoqarsimanngilaq.
Atuaruk: Angut 32-nik ukiulik Københavnimi toqusoq
Eqqartuussissuserisoq naammagisimaarinnittoq
Københavnimilu Politiit suliaq pillugu Napparsimasut Isumannaatsumik sullinneqarnissaannut Aqutsisoqarfimmut naalagaaffiullu unnerluussisuanut ingerlatereeraallu akiligassiisoqarnisaa aalajangiuppaat.
Ambulancemi sulisoq aamma peqqissaasoq akiligassinneqarput.
Denielimut ilaqutaasunut eqqartuussissuserisisuusup, Bjørn Elmquistip, akiligassiinerit siunissami taamatut pisoqaqqinnginnissaanut pinaveersaartitsisuussasut Politikenimut oqaatigaa.
Suliaq pillugu uku atuakkit:
Assit takukkit: Angutip angerlarsimaffeqanngitsut toqunera pillugu ingerlaaqatigiinneq
SF’ereq qulaarsineq pillugu: Politiit utoqqatsertariaqaraluarput
Angerlarsimaffeqanngitsup toquneranut kukkusoqarsimanera nassuerutigineqarpoq
Politikerip immikkoortitsisoqarsimanissaa ernummatigigaa
Nielsenip qulaarsineq tupaatigaa - justitsministeri attaviginiarpaa