Naalakkersuisut
D: Susassaqarfiit sooq taama amerlatigippat?
Naalakkersuisunut ilaasortaasimasup, Randi Vestergaard Evaldsenip, susassaqarfiit amerlasuut apeqquserpai. Tamanna inuiaqatigiinnut akisussasoq, taanna isumaqarpoq
Naalakkersuisunngortut naalakkersuisoqarfiit amerliniarlugit aalajangerput, taamaalilluni Naalakkersuisunut ilaasortat qulinngorput.
Naalakkersuisuusimasunit ataatsimik amerleriaateqarput.
Demokraatit siulittaasuat, aningaasaqarnermut aamma aatsitassanut naalakkersuisuusimasoq, Randi Vestergaard Evaldsen, taamaattumik naalakkersuisoqatigiinnut nutaanut apeqquteqarpoq: Naalakkersuisoqarfiit sooq ilaneqarpat?
Atuaruk: Naalakkersuisunut ilaasortat nutaat aajuku
Aningaasartuutit amerlanerusut
Taassuma 'Naalakkersuisut socialistiskiusut pilersinneqarmata pisortaqarfiit allilertorneqarmata' eqqarsarnartoqartippaa.
- Tamanna pissusissamisut pisortaqarfinni aningaasartuuteqarnerulernermik kinguneqassaaq, atorfinitsitinernit allanillu aallaaveqartunik. Apeqqutaaginnalerporli qanoq annertutigisumik aningaasartuuteqarnerulersitsissanersoq, Randi Vestergaard Evaldsen aperivoq.
Atuaruk: Naalakkersuisunngorlaaq: Namminiilivinnissaq angorusuppara
Innuttaasut akiliissasut
Susassaqarfiit tigummisimasatik avissaartinneqarmata – Aningaasaqarneq aammalu Aatsitassanut – immikkorluinnaq naalakkersuisoqarfeqalernerat aammalu immikkorluinnaq naalakkersuisoqalernerat eqqarsarnartoqartippaa.
- Avataaniit takugaanni isumaqarnarpoq Naalakkersuisut amerlinerat peqquteqartoq isumaqatigiinngissimanermut susassaqarfiit sorliit kiap tiguniarnerai, tamannalu innuttaasut akiliinikkut pilliutigisariaqalerlugu. Taamatut pingaarnersiuisoqartussaanngilaq. Illuatungaanilli, Randi Vestergaard Evaldsen oqarpoq.
Atuaruk: D aamma A anereerlutik: Siumut ilumini ajornartorsiorluni akerleriiffiuvoq