Skip to main content

D: Soraarninngornermut ukiut 70-nut qaffannissaat suli pisariaqarpoq

- Isumaqarpugut innuttaasunut unneqqarittuliornerussasoq maannangaaq soraarnerussutisisalernermut ukiut qaffanneqartuuppata, Randi Vestergaard Evaldsen erseqqissaavoq

Inatsisartut ukiaanerani ataatsimiinneranni amerlanerussuteqartut soraarninngortarnermut ukiut qaffatsippaat. Januaarip aallaqqaataani 2017-mi soraarninngortarnermut ukiut 65-mit 66-mut qaffanneqassapput.

Naammanngitsoq
Kisianni tamanna naammanngilaq, Demokraatit ukiortaamut oqalugiaamminni taama naqissusiipput.

Najugaqariaatsip siumut tagginnerani erserpoq, utoqqalinersiaqalersinnaanermut ukiut qaffannerat naammanngitsoq, Demokraatini siulittaasuugallartoq Randi Vestergaard Evaldsen erseqqissaalluni oqaaseqarpoq.

Atuaruk: Utoqqalinersiaqarnerup aaqqissuuteqqinneqarnissaa amerlanerussutillit taperserpaat

Aningaasartuutit amerlanerit
Partiip naalakkersuisooqataasup utoqqaat amerliartuinnarnerat tikkuarpaa. Taamaattumillu taakkununnga aningaasartuutit qaffakkaluttuinnartussaapput. 

Peqataanik kissaatigineqarnikuuvoq utoqqaat atugaat pitsanngorsarneqassasut. Tamannalu utoqqalinersiat iluarsartuunneqarnerisigut kisiat taakku atugaat pitsanngoriarsinnaasimapput.

- Isumaqarpugut innuttaasunut unneqqarittuliornerussasoq maannangaaq soraarnerussutisisalernermut ukiut qaffanneqartuuppata, 2024-mi inuit 68-nik ukioqaleraangata utoqqalinersiaqalersinnaalersillugit, 2027-mi 69-nik ukioqaleraangata 2030-milu 70-nik ukioqaleraangata. Randi Vestergaard Evaldsen erseqqissaavoq.

Kisimiittut
- Tamanna pillugu isornartorsiorneqangaatsiarpugut, aalajangiusimavarpulli taama pisoqartussaarpasimmat. Iliuuseqanngikkutta utoqqalinersiallit atugaat ajorseriassapput. Maannakkuugallartorli akuerisariaqarparput utoqqalinersiaqalernissamut ukiut qaffaqqinnissaannut amerlanerussuteqarsinnaanngikkallaratta, ilanngullkugu oqarpoq.

Atuaruk: Utoqqalinersianut aaqqissuusseqqinneq Naalakkersuisut akuersissutigaat

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER