Skip to main content

D: Siorarsiorfimmi suliniut pillugu Siumut ingasaassilluni saassussisoq

Nuummi illoqarfiup ineriartortinneqarnissaanut suliniummik Siumup isornartorsiuisaqattaaginnarnera Demokraatit qatsulluinnarpaat

Sapaatip-akunnerini kingullerni Siumumit kommunimut qinigassanngortittut arlallit Nuummi illoqarfiup ineriartortinneqarnissaanut suliniut, Siorarsiorfik isornartorsiorpaat.

Demokraatit siulittaasuata Randi Vestergaard Evaldsenip kommunimut aamma qinigassanngortittup, Siumup suliniummut saassussinera ingasaassinerujussuunerarpaa.

- Uanga namimineq inuttut Siumup silaatuttutut illuni saassusseqattaarnerisa malinnaaviginissaat eqiagilerpara. Kisiannili ajoraluartumik allaanngilaq Kommuneqarfik Sermersuumi Siumut silaarukkaluttuinnartoq, taanna tusagassiuutinut nalunaarummi allappoq.

Aamma atuaruk: Asii Siumumit saassunneqaqqittoq

Siumut pitsaanngitsumik iliortoq
Siumumi ilaasortat maanna 'partii aamma qineqqusaartuni filmiliortalerpoq, kingornalu immiussatik qiortartarpaat politikerillu oqaasii ilaannakoortut ataqatigiinngitsullu uukapaatitsiniutigalugit Facebookimut ivertittarlugit mamiasungaartusaarlutik' aamma oqaatigaa.

- Kanngunaqaat, kisianni Siumup takutiinnarpaa qanoq neriuutissaaruteqqatigalutik. Nammineq isumaqarpunga qinersisartut Siumup uukapaatitsiniarsarinera isiginngitsuusaarnavianngikkaat, Demokraatit siulittaasuat oqarpoq.

Nangipporlu:

- Taamatulli oqareerlunga erseqqissaqqissavara Demokraatini Siorarsiorfik pillugu suliaq taamatullu illoqarfiit pingaarnersaat pillugu pilersaarut tapersersoratsigit. Kommunalbestyrelsimi ilaasortaatigagut suliaq pillugu sulerulunnikooqaat aamma qinersereernerup kingorna ilungersoqqikkumaarpugut kikkut qinigaasimanerat apeqqutaatinnagu, Randi Vestergaard Evaldsen oqarpoq.

Aamma atuaruk: Kommunit Nakkutilliisoqarfiat qaqutigut suliamik aalajangiisarpoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER