Skip to main content

D: Oqarasuaatinut angallattakanut kiffartuussinikkut qilersorsimajunnaarsitsiimeriarta

Oqarasuaatinut angallattakkanut kiffartuussinerup unammilleqatigiiffiunerunissaa illuatungiliuttut Naalakkersuisunut piumasaqarput. - Akit apparteriartigit pitsaassuseq qaffatsigu, Demokraatit oqarput

- Oqarasuaatinut angallattakanut kiffartuussinikkut qilersorsimajunnaarsitsiimeriarta.

Inatsisartunut ilaasortat Justus Hansen aamma Randi Vestergaard Evaldsen, tamarmik Demokraatineersut tusagassiuutinut nalunaarummi taama allapput.

Taakku nalunaarusiaq 'Kalaallit Nunaanni oqarasuaatikkut qilersorsimajunnaarsitsiiminerup inuiaqatigiit aningaasarsiorneranut kingunissai' erseqqissaatigaat, tassani ukiut tamarluinnaasa 69 aamma 112 millionit koruunit akornanni inuiaqatigiit aningaasaqarneranni iluanaaruteqartoqartarnissaanik naliliisoqarsimavoq.

Atuaruk: Demokraatit Inuusuttaasa Siumut sangujoraarnerarpaa

D: Assigiinnginneq annertusivoq
- Taakku inuiaqatigiit iluanaarutissaat qularnanngitsumik kalaallinut tamanut iluaqusiissapput sualummik angallattakkanik oqarasuaateqarnermi akitigut. Tamangajattalu angallattakkanik oqarasuaateqaratta inuinnartut aningaasaqarnitsinni sipaaruteqassagaluarpugut allanut atorluarsinnaasatsinnik, Justus Hansen aamma Randi Vestergaard Evaldsen oqarput.

Kisianni tamanna Naalakkersuisut ammanerulersinniarpasinngilaat, tamannalu Demokraatit ugguaraat.

- Tamanna sikkisaanngitsuliorneruvoq pissakinnerit peqanerillu assigiinngissutaat annertuseqqittussaammat, angallattakkanummi akit assigiinginnartussaapput aningaasaateqarluaruit aningaasaateqarpianngikkuilluunniit. Ilinniagartuut akissarsiaqqortuut oqarasuaatinik angallattakkanik atuinermut akisoqisumut akissaqarnerussapput sulisartumut aalisakkerivimmi sulisumut naleqqiullutik, taakku uparuaapput.

Atuaruk: Unammillernissamik ammaassinissaq ajalusoortoq 1 million koruuneqartoq

Unammilleqatigiittoqarnissaanik piumasaqartut
- Naalakkersuisoqatigiit saamerliit ajoraluartumik aalajangerpaat uangut kalaallit Tele-Postimit nunarsuarmi akisunerpaat ilaannit kiffartuunneqartuassasugut. Taamaasilluta piitsuunerulissaagut aamma saamerliit ajorsarumannginnerisa akissakinnerit suli akissakinnerulersippaat taamaasillunilu inuiaqatigiinni assigiinngissuseq alliallaqqissaaq, Demokraatit allapput.

Naalakkersuisoqatigiit internetimi misilittakkat isumassarsiorfigisariaqaraat, taakku isumaqarput.

- Tassani internetikkut attaveqaatinik qilersorsimajunnaarsitsiimineq iluatsinneqarnikuuvoq, kinguneraalu allanik nutaanik atuisartoqalernera kiisalu atuisartunut akit pitsaanerulernikuupput appasinnerulernikuullutillu. Aamma nalunngilarsi; Tele-Post suli aningaasarsiorluarmat. Kikkunnut tamanut nuannaarutaasumik. Sooq oqarasuaatinut angallattakkanut kiffartuussinikkut taamaalisoqarusunngila? Nutaanik kiffartuussisortaariarta nutaanik periarfissiisunik. Akit apparteriartigit pitsaassuserlu qaffallugu. Atuisartut sulliviillu qujarutissaannik immikkoortumi qilersorsimajunnaarsitsiimeriarta, Justus Hansen aamma Randi Vestergaard Evaldsen oqarput.

Atuaruk: Mobil-Palle: Unammillerneq ammaanneqarli

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER